dotio

Dempseys, heno!

2007-03-05T11:42:00.000+01:00

Cofiwch am hwn...

2007-03-01T16:31:00.000+01:00

Un o'r dyddiau 'na...

2007-01-26T11:24:00.000+01:00

...pan dwi'n dod fan hyn i ollwng pentwr bach o'r stwnsh sy' 'di bod yn cronni yn fy meddwl tra bo'r blog yn mynd yn segur...

1. Fidio 'WILLIAMSBURG WILL OLDHAM HORROR' gan Jeffrey Lewis (cyf. Mark Locke) oddiar youtube

Wy'n dwli ar Jeffrey Lewis, a wy bach yn ofn Will Oldham.

2. Sesiwn yr Aelwyd #2
...penwythnos yma ym Mar En Route, Cathays! Hwree!

3. Gwefan Frugal Living
Bwyd da, blasus, a bil siopa llai na £8 yr wythnos! Dwi bellach yn expert at goginio bean casserole gyda dwmplenni (a chyri chick peas hefyd!)

4. Gyda llaw*, ma etsy yn wych os 'ych chi'n chwilio am nwyddau sy' wedi'u gwneud gyda llaw... (*boom boom)

Adios am chwe mis arall x

9bach a The Gentle Good 21.1.07

2007-01-09T14:11:00.000+01:00

Cymdeithas yr Iaith Gymraeg (a gigiaurhaiweithiau) sy'n cyflwyno noson o gerddoriaeth werin hafaidd ar Ionawr 21 i ddiddanu selogion Clwb Ifor ar ol gorffen y de-tox blynyddol. Yn cloi'r noson, bydd 9bach sef prosiect yr actores Lisa Jên, sy'n cyfuno elfennau gwerin, roc a cherddoriaeth y blws. Bydd 2006 yn flwyddyn brysur iawn i'r ferch o Bethesda wrth iddi gefnogi Gruff Rhys ar ei daith trwy Brydain yn hyrwyddo 'Candylion'. Fel tamaid i aros pryd, fydd Gareth Bonello, The Gentle Good, yn cynnig melodiau cynnes lladinaidd i roi lliw ar nos Sul ddiflas yng Nghaerdydd.

Galw am remicses ar gyfer albym elusennol!

2006-12-13T12:41:00.000+01:00

Wy'n hynod o slo yn postio'r pwt yma, ond 'nes i ddigwydd cofio heddiw fod label Fourrier Tramsform - sy'n creu cyfrolau cyfyng o recordiau obsciwr mewn pecynnau pert - yn mynd yn hollol groes i'w maniffesto a'n chwilio cyfrnaidau ar gyfer albym aml-gyfrannog ar-gael-i-bawb ar-lein i godi arian ar gyfer Samariaid Caerdydd.

Cynnwys yr albym fydd remicses o glasuron elusennol y gorffenol. Plîs, 'neith rhywun â'r gallu remicsio 'Dwylo Dros y Mor' iddyn nhw?

Co sut i gyfrannu...

Practical stuff: all contributions will be very gratefully received, but we can't promise to use everythiing for the final tracklist. We're hoping that the mp3 will be donated by the artist, so regrettably we won't be able to offer any payment for contributions (we're not making a penny from this). Artists will obviously still own the copyright to their sound recording though, so it doesn't have to be exclusive material. We'll have extensive 'sleeve notes' to give credit where it's due, more info about the artist, contact details etc. Ideally material will be 256kbps constant bit rate mp3s. Please don't email mp3s directly to us - either email a link to the file, or send a CD/minidisc/wax cylinder, with 'Crania Draft Massif' somewhere on the disc or envelope.

Y Samariaid ar-lein...

2006-11-29T12:04:00.000+01:00

Fel maen nhw'n cyfaddef eu hunain, dyw e ddim mor giwt â geifr Oxfam, ond mae'r Samariaid wedi agor siop ar-lein i chi gael prynu bandiau garddwn, dog-tags, ac 'amser' i gefnogi'r elusen yn ardal Caerdydd.

Mae'n debyg fod oriawr ddigidol mewn rwber gwyrdd llachar ar y ffordd yn fuan iawn hefyd!

Posteri

2006-11-22T12:57:00.000+01:00

Dolen i fidio o gân Jeffrey a Jack Lewis "Posters." Dwi methu 'i wylio fe, ond gan fod y gân yn styc yn fy mhen i, dyma'i rhannu...

A'r rheswm mae'n styc? Dwi'n meddwl bod fy nhanysgrifiad i gylchgrawn Plan B 'di dod i ben, felly es i draw i'r wefan i gael pip sut i archebu mwy o gopiau - bydd siec yn y post yn fuan me'n siwr. Ond o grwydro'r wefan, dyma fi'n taro ar y fforwm, a'r edefyn yma gan artist o Nottingham sy'n gwerthu posteri gigs, sydd i'w gweld ar Flickr. (Ma nhw'n blydi lyfli.)

Ond os ewch nôl at yr edefyn ar fforwm Plan B, ma 'na lwythi o ddolenni at lwythi o bosteri gigs cyd-blydi-lyfli-ed, megis Seripop, Little Jacket, a Mount Pleasant. Dwi wrth fy modd. Celf cyfoes fforddadwy, unrhywun?

Maes e i lawr am y tro...

2006-11-07T11:33:00.000+01:00

Ymddiheuriadau os ydw i'n ailadrodd, ond 'na ni, ma angen lledu'r gair.

Meddai Nic:

mae gweinydd Dreamhost lle mae'r maes yn byw i lawr ar hyn o bryd - a felly mae morfablog i lawr hefyd. Ddim yn siwr pryd bydd yn ôl.

Dyma ddolen i Dreamhost status.

Mewn newydd arall... os y'ch chi'n chwilio am fodd amgeni wastraffu amser bore 'ma, be am bicio draw i wefan Itoh Takashi, artist o Japan sy'n cerfio melons. Ddarllenes i bwt am y boi 'ma yn y Times ddydd Sadwrn - ma adran cwestiwn ac ateb y wefan wir werth 'i ddarllen. Dyma un o gampweithiau Takashi:

Cowbois Rhos Botwnnog a David Mysterious

2006-10-30T11:15:00.000+01:00

...wpadeis. David Mysterious yn whare hefyd, hwre!

Llwyth - na, wir - LLWYTH o luniau

2006-10-26T12:41:00.000+01:00

Wel helo a chroeso nôl i Dotio, Siôn, ac unrhywun arall sy' wedi gweld ishe diflasu o ddarllen y blog 'ma ;) Yn nhraddodiad y safle, sdim byd o werth 'da fi i ddweud, ond co chi ddolen i Flickr lle 'wy newydd gwpla llwytho nifer anghredadwy o luniau a'u tynnwyd tra 'mod ar fy "ngwyliau" mewn gwersyll wirfoddoli yn ninas Matera, De'r Eidal.

Yn fras iawn iawn, treulion' ni bythefnos yn cynnal gweithdai ar sgwârau'r hen ddinas (y Sassi/ "y Garreg") gyda myfyrwyr o goleg 6ed lleol, yna, yn ystod y drydedd wythnos, cynnal digwyddiadau dawns, cerddoriaeth, a chelf gyda'r nos.

Wedyn es i am grwydr fach i Lundain ar y ffordd nôl adre 'fyd.

Rhybydd - hwn yw fersiwn rhyngweithiol sioe sleidiau dy fodryb, a sai'n disgwyl i chi bipo, heb sôn am gadw'n effro wrth wneud...

Sassi di Matera

2006-09-04T12:46:00.000+01:00

So, ie - wy'n mynd i'r Eidal mewn llai na pythefnos i gymryd rhan mewn prosiect ddiwylliedig gwirfoddol yn ardal Unesco yn ninas Matera, sydd yn ne y wlad (uwchben y sawdl), yn ardal hanesyddol Basilicata. Dyw e ddim yn teimlo'n wir rhywsut, ond dwi'n siwr fydd hynny'n newid pan gamai ar yr awyren fore Gwener nesa. Byddai'n hedfan i Bari, dinas lewyrchus ar arfordir dde-ddwyreiniol y wlad, sy'n fwy o ddinas pobl busnes na phobl twristiadd, yn ol y Lonely Planet... Debyg ai am am sgowt 'rownd Bari Vecchia ta beth - rhan hyna'r ddinas, sydd â marchnad ddryslyd sy'n bendant o godi ofn arnai ar fy niwrnod cynta - cyn teithio draw i Matera i gychwyn fy mhrosiect ar y dydd Sadwrn.

A be fydda i'n gwneud wedyn...? Wel, dwi'm yn siwr a dweud y gwir! Nod y prosiect, sydd wedi ei gyd-lynnu gan cyfnewid UNA yng Nghaerdydd, yw codi ymwyddyddiaeth pobl ynglyn â chyfoeth diwylliant yr ardal trwy gynal digwyddiadau ar sgwârau'r ddinas; gobeithio y bydd hynny, wedyn, yn arwain at adnewyddu rhai o'r ardaloedd tlotaf.

Pan sgwennodd Carlo Levi am yr ardal yn Christ Stopped at Eboli, mae'n anodd dweud p'unai wnaeth e cymwynas yntai cam â'r lle. Ar ôl cyhoeddi'r llyfr, cafodd Matera enw fel un o gadarnleoedd ola' diwylliant wledig (os mai dyna yw peasant culture?) Eidaleg. Ar yr un llaw, cafodd pobl yr ardal eu hadnabod fel cymuned croesawgar, agored, gyda diwylliant fyrlymus, ond ar y naill, cydnabyddwyd yr ardal fel un o rhai tlotaf y wlad, heb fawr o ddatblygiad ynddi, a lledodd chwedl (falle!) fod bandits helbulus yn trigo yn y mynyddoedd yno... Mae teitl y llyfr yn dweud y cyfan - ni fentrodd Iesu i'r tiroedd yma! Debyg mai'r sgandal fwya i weddill yr Eidal oedd clywed fod 'na bobl yn y De yn dal i drigo mewn ogofeydd (y sassi,) ac wedi hynny, gwnaeth nifer o drigolion Matera symud o'r ogofeydd, gan eu gadael nhw'n wâg am rhyw 40 blynedd cyn i Unesco rhestri'r safle. Erbyn heddiw, y sassi yw'r union rheswm fod diddordeb yn dechrau codi yn yr ardal eto. Hynny, a dylanwad Mr. Mel Gibson - saethodd y ffilm 'The Passion of the Christ' yn y ddinas.

Byddaf i, a 14 o wirfoddolwyr erill, yn cymoni ardaloedd er mwyn cynnal perfformiadau - a'n cydweithio gyda'r gymunel leol i greu'r perfformiadau hynny. Cyfnewid ddiwylliedig yw hi i fod, felly dwi am ddysgu sut i wneud Cawl (!) a phrintio a recordio ychydig o ganeuon gwerin cyn mynd... Gen i hanner awydd ffeindio stepiau un o'r dawnsiau mwya' hawdd os all rhywun helpu hefyd - ond wy'n dechrau ofnu 'mod i'n lleihau pob dim i wneud a Chymru i ystrydeb hawdd ei lyncu... Er mwyn ceisio osgoi hynny, dwi am fynd a chopi o ffilm fer Sion Mali, Sampli, yn y bac-pac hefyd. A bach o MC Sleifar falle! Ddyle hynny 'neud y tric.

Crysau Bearback

2006-08-31T11:20:00.000+01:00

Cwl fel Crys T... A ma rhaid i rhywun brynu hwn i Rhodri!

Broken Social Scene

2006-08-25T14:22:00.000+01:00

Felly 'nath y Green Man ddod a mynd, a gadel gwen sylweddol ar fy ngwneb wrth 'neud...

(Cliciwch i fynd i'r set ar Flickr)

...felly ma angen rhywbeth newydd i ganolbwyntio'nghyffro arno, a digwydd bod, ry'n ni'n mynd i'r Point yn y Bae nos Fawrth i weld Broken Social Scene yn chwarae'n fyw. Dwi'n rili hoffi'r band yma, felly ro'n i wrth fy modd i ddod o hud i berfformiad ar YouTube...

Broken Social Scene - Anthems For A 17-Year Old Girl

Ond gyda'r holl gyffro yna, do'n i heb sylwi fod 'siwpyr-grwp' Rob DaBank, Breaks Co-op, hefyd yn chwarae yn y Point, nos Sul yma. Alla i demtio rhywun...?

'Green Man plan'

2006-08-17T13:00:00.000+01:00

Dwi 'di bod yn arloesi cynllun iechyd newydd wythnos 'ma, yn y gobaith gai wared ar yr anwyd cas 'ma sy gen i'n souvenir ers y Steddfod. Dwi angen bod yn iach, wrth gwrs, oherwydd 'mod i'n mynd i Wyl y Dyn Gwyrdd fory - lle bydda i'n byw mewn tent, yn y glaw, yn gwrando cerddoriaeth gwerin, yn mwydro, ac yn meddwi... sy' rili mynd i helpu'r anwyd. Ta beth, rhagofn fod chi'n ffeindio'ch hun mewn sefyllfa tebyg rhywbryd yn y dyfodol, dyma be' sy' wedi bod yn gwella (gobeithio?) fi dros y dyddiau diwetha:

- tabledi ecchinacea ac acerola ...sy'n fizzio mewn dwr a'n blasu fel lemsip, ond ddim yn stwffio'r pen â chyffuriau diangen - jyst yn rhoi hwb fach i'r imiwnedd.
- fitamin C ...ddylen i gymryd hwn trwy'r adeg, ond dwy byth yn cofio tan 'mod i'n llawn anwyd a hithe'n rhy hwyr. Wy probabli'n cymryd lot gormod wythnos 'ma...
- diodydd 'detox' innocent ...digon o ffrwyth ffres, mewn tetrapack handi i bobl diog fel fi.
- cawl Covent Garden ...gweler uchod - bwyd ffres, heb yr hassle o orfeod coginio tra bo dy drwyn di'n rhedeg.
- digon o fwyd yn gyffredinol ...feed a cold, starve a fever, ife?
- bathiau ...yn gynnes ac yn aml iawn. Angen digon o ager i rhyddhau'r sinuses.
- bwyta lot ...neu o leia, gwneud yn siwr 'mod i'n cael 3 pryd call.
- Olbas ...pam ydw i'n cysylltu arogl olbas gyda Dad?
- Cerddoraeth ...i gadw fi'n gwenu. Fel hwn :D

A dyna ni. Os oes syniadau 'da chi sut alla i graco'r anwyd 'ma (erbyn fory!) gadwch nodyn, diolch!

Lluniau Steddfod

2006-08-15T11:40:00.000+01:00

Mewn set handi 'Steddfod Abertawe 2006, ar Flickr.

Dyma Rhagflas...

Galw Chris Cope!

2006-08-04T09:54:00.000+01:00

Mae ganddoch ...1... neges newydd.

Prif ddewislen.

I glywed y neges, pwyswch... bîîîp

Fe'ch galwyd am 9.41 bore Gwener, gan ohebydd o'r BBC.

I glywed y neges yn llawn, cysylltwch a d... w... l... w... e... n... - eich periant ateb personol

Pryd ma'r ffon yn cyrraedd, Chris? ;)

2006-08-03T17:16:00.000+01:00

Gyfeillion, mae'r aros wedi dod i ben - mae rhifyn 4 ffansin diwylliant Cymru, Siarc Marw, allan!

Mae'r rhifyn yma yn cynnwys:
- Cyfweliad gyda Nei Karadog am y criw hip hop, Y Diwygiad
- Sgwrs gyda Owen Martell am albym diweddara y band arbrofol, Traw, gyda'r telynor Rhodri Davies
- Cyfweliad gyda Sion Mali - cyfarwyddwr ifanc y ffilm 'Sampli' sy'n gofyn beth sy'n gyrru creadigrwydd pobl yng Nghymru
- Erthyglau ar Prosiect 9, cwmni datblygu theatr newydd; Glyn ac Imogen, a'u helyntion ar Big Brother; a'r adolygiadau arferol o bob dim dan haul.

A fel pe tai hyny ddim yn ddigon, ry'n ni 'di creu CD amlgyfrannog i'w dosbarthu gyda'r 100 copi cynta' - sy'n cynnwys llwyth o'n hoff artistiaid Cymraeg ni, megis Jakokoyak, Cate Le Bon, Gareth Bonello, Chwain a Cowbois Rhos Botwnnog. Ry'n ni'n rhy garedig, wir!

A faint sy' rhaid talu am y fath ddanteithion llenyddol a chlywedol? £20, medde chi? Is! £15? Is! £5? Is! £2? www, ym, 'bach mwy na 'nny... bargen am £2.50, ac mi gewch chi gusan gan y Geraint am ddim.

Er mwyn bachu copi, dewch i stondin Dan y Cownter yn yr Eisteddfod a gofyn i bobl hynaws Sebon lle mae'r siarcod yn cuddio, neu holwch fi neu Geraint. Bydd 'na gopiau cyfyngedig ar gael trwy wefan Sebon hefyd, ond bydd rhain yn £3.50, gan gynnwys post a bubble wrap.

Os hoffech chi gael copi o'r cychgrawn yn unig, am ddim, gyrrwch nodyn i siarcmarw AT yahoo DOT co DOT uk

Welwn ni chi'n 'Steddfod :D

o.n. sut ma tagio hwn a Eisteddfod2006 ...? Wy'n cymryd nad yw mor syml a be wy newydd 'neud : /

Siarc Marw...

2006-07-27T11:48:00.000+01:00

…Rhifyn 4 baby! A phwy fase 'di meddwl byddai’r cyd-olygyddion yn llwyddo godded i gilydd cyhyd? Nid fi... ;)

Ta beth, ma edau'r ffansin yn prysur glymu at 'i gilydd, a'r CD amlgyfrannog wedi'i gyrru at ddyn neis yn y cymoedd sy'n mynd i wneud 120 copi i mi am bris teg iawn. Yr enw bydd 'Cawl Siarc' mae'n debyg, a bydd e'n cynnwys traciau gan Jakokoyak, Cowbois Rhos Botwnnog, Cate LeBon, Merched Mecca, Stabmaster Vinyl a'r Prics, ymysg eraill. Bydd y ffansin 'i hun yn cynnwys darnau ar y Diwygiad, albym diweddara' Traw a Rhodri Davies, ffilmiau byrion Siôn Mali a Prosiect 9, sef cwmni newydd i ddatblygu a llwyfannu theatr newydd yn y Gymraeg. Sori os yw e'n swnio fel bwrw bol - ond mae'n rhyfeddol i fi cymaint o straeon cyffrous ry'n ni 'di llwyddo'u darganfod... Fydd yr erthyglau 'u hun yn fater arall - mae'n sicr mai hon fydd y ffansin a'r mwyaf erioed o'n sgwennu i a'r Gwahanglwyf ynddi (ry'n ni fel arfer yn gorfodi'n ffrindiau i wneud!) ond mae'n gyd-gyfranwyr wedi bod mor hynaws ag arfer (sy'n fy atgoffa i fod angen i ni sgwennu golygyddol a diolchiadau, Geraint, os wyt ti'n darllen.)

Ta beth, ddylai'r cyfan fod yn barod ganol wythnos nesa', a byddwn ni'n sicr yn llusgo sach neu ddwy gyda ni i'r Eisteddfod. Oherwydd costau'r CD, bydd rhaid i chi dalu am y ffansin (am y tro cynta', ...sori) ond dwi'n gobeithio bydd £3.50 werth e (os 'ych chi’n archebu trwy wefan sebon.)

Ond yn gyffredinol - Siarc Marw 4 - hwreee!

Cachu Cymylau

2006-07-03T14:34:00.000+01:00

Dwi 'di bod yn ceisio argyhoeddi'r maes i wrando ar albym newydd Final Fantasy, 'He Poos Clouds' - a waeth i fi ailadrodd 'y'n hun yma. Albym wedi'i sgwennu ar gyfer pedwarawd llinynol yw hi gan fwyaf, â phob cân yn ymhelaethu ar thema ganolog gemau cyfrifiaduron... nid bod fi wir yn deall rhyw lawer am hynny. Debyg fod e rhywbeth i wneud â 'Dungeons and Dragons' (ond alla i sicrhau fod ddim angen deall y cyfeiriad yna er mwyn mwynhau'r albym.) Ta beth, wedi ychydig o ymchwilio, dyma fi'n dod o hyd i'n hoff gân i oddiar yr albym ar flog The Hype Machine. 'Arctic Circle' yw 'i henw - a mae'n hyfryd, oce? Albym y flwyddyn hyd yma, yn sicr - lan 'na gyda Sufjan Stevens a Joanna Newsom ar y'n rhestr i ta beth.

Cwpwl o nodyns erill gan bo' fi 'ma.
1. Lluniau newydd-ish ar Flickr - o Wyl y Gelli a Pharti Ieir yn Nhipis Brychan Llyr
2. Erthygl ddoniol yn yr Independent am y gampwaith ffilmic a fydd 'Snakes on a Plane'. Wy'n archebu tocyn heddi...

Cathod Hitler!

2006-06-22T14:21:00.000+01:00

Blog am gathod sy'n edrych fel Hitler.

Clasur. Thanciw Popbitch.

Llywodraeth y Cynulliad v Angharad Blythe

2006-06-06T09:49:00.000+01:00

Achos Llys, Llys Ynadon Caerdydd, p'nawn 'ma am 2.

'Llai demtio chi i ddod draw?

'Bach o ddiwylliant...

2006-06-06T09:40:00.000+01:00

Stori'r BBC yw'r oll allai ffindo i sôn am y cyflwyniad, bydd yn digwydd heno, gan chwe bardd ifanc yn adeilad y Senedd. Dwi ar ddeall mai 5.30 yw'r kick off penodedig, a'n cymryd ran mae Mari Siôn, Catrin Dafydd, Hywel Griffiths, Zoë Brigley, Anna Lewis ac Hangetsu.

Gwyl y Gelli

2006-05-30T10:41:00.000+01:00

Rhestr o'r llyfrau wy am ddarlen ar ôl bod yng Ngwyl y Gelli dros y penwythnos...

Jeanette Winterson: Weight
Diweddariad, neu ail-ddehongliad, o fyth Hercules ac Atlas. Dau arwr wahanol iawn yn eu arwraeth, yn dal pwysau'r byd ar eu ysgwyddau. Darllennodd yr awdur bwtyn hyfryd iawn o'r llyfr lle mae Atlas yn teimlo cyffyrthiad creadur byw am y tro cyntaf ers oes - a'r creadur yw Laika, y ci bach saethodd y Rwsiaid mewn i'r gofod.

Sheila Hancock: The Two of Us
Roedd y prif-actor wedi tynnu mas o'r ddrama roedd Sheila'n actio ynddi yn y West End, a chynigwyd enw John Thaw - actor ifanc, newydd, i gymryd ei le. Doedd Sheila ddim yn siwr, a mynnodd gyfarfod â Thaw cyn rhoi bendith arno. Ar glywed hyn, doedd John ddim yn fwni hapus - pa hawl oedd gan y 'brenhines sit-com' 'ma i'w gyfweld e?
Ar fore dydd y cyfarfod, roedd Sheila'n siopa dilad ysgol gyda'i merch fach benderfynnol, a gwnaeth hi'r camgymeriad o basio ffenest â phâr o sgidiau sequin coch ynddi: dyna oedd ei merch eisiau gwiasgo i'r ysgol, a doedd yr un iwnifform am wneud y tro. Wedi gwisgo mewn côt ffwr hyd llawn a sgert mini, â'i merch fach yn gweiddi a sgrechen ar gornel stryd Portabello (â'r pobl yn pasio yn dyfynnu 'Carry on Cleo' ati) cofiodd Sheila am John Thaw. Ffoniodd ei Mam i ddod i nôl y plentyn, a neidiodd mewn tacsi am y cyfarfod ychydig yn hwyr.
Wedi'i drysu'n lan, ymddiheurodd Sheila i'r cyfarwyddwr a'r pwysigion eraill, cyn sylwi John - a'i wyneb yn bictiwr o ddicter - yn gwgi ati yn y gornel. Cymrodd anadl ddwfn, gwênu'n llydan, a chyflwyno ei hun i'r actor pwdlyd cyn cymryd sedd.
Yr eiliad yna - yn ôl John - syrthiodd y gôt ychydig i'r ochr, a fflachiodd nicyr Sheila ato wrth iddi groesi ei choesau. A dyna newid ei feddwl am y fenyw oedd e'n ei charu erbyn diwedd rhediad y ddrama (er y gwrthodwyd ef gan Sheila - oedd yn hapus yn ei phriodas) ac a briododd tua deg mlynedd ar ôl hynny.

Seamus Heaney: District and Circle
Gwriadd y teitl, yn ôl Heaney, yw'r daith lawr y grisiau i blatfform y trên tanddear a phasio busker yn chwarae pîb Wyddelig, sy'n hanner adnabod wyneb y bardd enwog. Mae'r gerdd o'r un enw yn disgrifio'r cyfarfod yna, a phenbleth Heaney sut i gydnabod y dyn, a pha mor nawddoglyd y byddai nawdd y ceiniogau y mae'n dal nôl rhagddo?

P J Harvey

2006-05-30T10:15:00.000+01:00

Pwy bynnag y bo melankolic ar @forums, mae 'da'ge gasgliad hyfryd o luniau gig PJ Harvey yng Ngwyl y Gelli nos Wener diwetha.

A roedd hi'n uffar o gig. Wy'n syfrdanu bod peth bach mor fregus yn gallu creu swn mor gadarn ac elfennol wrth ymosod ar 'i hofferynau. Ond i fantoli ffyrnigrwydd anhygoel 'Who the Fuck', er engraifft, mae'i chaneuon diweddara - oddiar albym sydd wedi'i chyfansoddi'n gyfangwbl ar y piano - yn dristwch mwynach, ychydig mwy crwydrol.

Yr hyn a drodd gig dda iawn yn wych oedd ymestyn onestrwydd ac unionrwydd y caneuon i sgwrs Harvey â'r gynnulleidfa. Roedd hi'n nerfus ynglyn â chwarae'r piano o flaen pobl eraill am y tro cyntaf - felly wedi addurno'r offeryn â'i nic nacs o adre. Pan ymunodd pryfyn mawr â'r perfformiad, neidiodd Harvey o'r stol a gwichian at Ian y roadie i ddod i symud y creadur o'r llwyfan. Dychwelodd ian eto pan dorrodd allweddell Harvey (oedd wedi costi £50 yn y farced) ac wedi iddo ef fethu a thrwsio'r offeryn (trwy'i fwrw cwpwl o weithiau), a Harvey'n cynnig 'i droi e ffwrdd ac yna'i droi e 'mlaen eto, roedd y gantores wrth ei bodd fod y syniad wedi gweithio - "that means I'm brainier than Ian."

Lansiad Tu Chwith 24/5/06

2006-05-23T11:42:00.000+01:00

chwithtu

ffiniau · cyfrol 24

lansiad rhifyn y gwanwyn · mai 24ain 2006

bar buffalo · caerdydd · 7:30yh · mynediad am ddim

darlleniadau gan catrin dafydd · myfanwy davies · dafydd evans
set acwstig gan gareth bonello
cerddoriaeth gan dj’s betty alban a ceri grafu

Anal ddwfn...

2006-05-16T09:34:00.000+01:00

Newydd gael neges i ddweud fod Broken Social Scene yn chwarae theatr y Point ar y 29ain o fis Awst eleni. Diwedd wytnos yma, foddbynnag, mae Tunng yng Nghlwb Ifor. Fi am gael babis Forecast.

Mewn newydd arall, mae Geraint bellach yn hen. Dyma lluniau ei ddydd ola o fod yn 24.

Y Diafol a Daniel Johnston

2006-05-09T12:24:00.000+01:00

Es i weld y ffilm hon adeg Gwyl Sgrîn Caerdydd llynedd, a gwirioni ar y ddogfen, ac ar gerddoriaeth y dyn. 'Nes i adael nodyn ar Pictiwrs ddoe i ddweud fod y ffilm yn cael ei rhyddhau yn swyddogol wythnos yma, ond dwy dla methu ffeindio unman sy'n ei dangos hi. Ta beth, os ddeith hi i'ch sinema lleol - ewch i'w gweld.

Hefyd wythnos yma, mae Daniel Johnston yn rhyddhau albym llawn newydd, sef 'Lost and Found' ar label Sketchbook. Er mod i'r araf suddo i waelod yr overdraft, wy 'di bod draw i Amazon yn barod heddi, ac am fy 'mod i'n sucker llwyr, wedi gorfod prynu albyms gan Teddy Thompson, a Richard a Linda Thompson yn ogystal. Efallai 'mod i'n teimlo'n wael am wario yr eiliad hon, ond bydd y cyfan werth e pan ddeith y parsel drwy'r post, wy'n siwr.

Y rheswm i mi fynd i chwilio am wefan Sketchbook (wele'r ddolen uchod) oedd neges gan drefnwyr Gwyl y Dyn Gwyrdd yn dweud fod Micah P. Hinson yn chwarae eleni - a dwy dal ddim rhy siwr pwy yw hwnna, felly fydde unrhyw wybodaeth o werth! Mae Martha Wainwright wedi cadarnhau hefyd bellach, felly wy'n edrych ymlaen yn arw i ymlacio gyda'r folkies erill ganol Haf.

Rwy hefyd yn edrych 'mlaen at fy ymweliad cyntaf i Wyl y Gelli ddiwedd mis yma. Sicrhaodd 'y'n chwaer fawr docynnau Seamus Heaney ar ddydd Llun y banc achau nôl, ac erbyn hyn mae'n trip ni wedi troi mewn i wyliau bach, fydd yn cynnwys Andrew Davies, Sheila Hancock, DBC Pierre, Gwydion Thomas, Graham Gibson, a Jeanette Winterson. Wy hefyd yn cyflwyno'n chwaer i gysgu mewn tent am y tro cyntaf (wir i chi) ond wy'n eitha siwr y bydd profiad Tangerine Fields yn dra wahanol i Maes B. (Wy hefyd am fynd i gig PJ Harvey nos Iau cynta'r wyl, ac mae'n debyg fod Gary'n mynd i wneud darlleniad rhywben, felly yn gyffredinol ac yn benodol - wo-hoo!)

Yr unig newydd arall yw'r cwis - sy'n digwydd nos fory (10/5/06) yn y lle arferol, am 8.30pm. Wy newydd sgwennu fy nghwestiynnau a dwyn y rownd lluniau, felly'r cyfan sydd ar ol i 'neud yw checio fod ni'n cael y PA a phrynu'r cwrw (nodyn i fi'n hun, sori - sylweddoli nad yw e o ddiddordeb i ~~chi~~, ti fy narllennwr.)

Gen i luniau o gig y Furries yn y Point nos Fercher diwethaf i'w llwytho hefyd yn y fan - fory falle. Am y tro, dyma clip rili bach o 'Mind Contorted' gan Daniel Johnston, sy' jyst yn hyfryd.

Ol nodyn i'r post diwethaf...

2006-05-09T10:33:00.000+01:00

Dolen i gwis 'personolaeth cerddorol' isod...

I'm Thelonious Monk's "Five Spot Blues"
Take The Music Quiz today!
Created with Rum and Monkey's Personality Test Generator.

You're smooth, baby, smooth. You have style, grace, and skill with the ladies (or gentlemen, as the case may be). You dazzle people with your foot-tapping beats and seduce your listeners with upbeat riffs.

Casgliad CDs

2006-05-04T12:16:00.000+01:00

Criddle, y cenau bach, 'odd y blog 'ma'n pendwmpian yn braf tan i ti'n ysgwyd ni o'r trwmgwsg. Ma gen i albym Kenickie hefyd - ond mae wedi'i guddio mewn blwch sgidiau (byth i'w agor eto) gyda 'Do it Yourself' Y Seahorses, a senglau Shed 7. Actiwli, ma 'Walking on Broken Glass' gan Annie Lennox yn yr un blwch, felly falle bydd e'n agor eto'n fuan wedi'r cyfan.

Tri cwestiwn ynglyn â'r casgliad CDs te, i fodloni chwilfrydedd y Bachgen o Bontllanfraith.

O'r CDs sydd yn eich casgliad, pa un sydd
1. Yn mynd i gael ei daflu i bydew du?
Dim un siwr o fod -ma gen i llwyth o glangers o oes 'aur' Britpop (wele'r cyfeiriad at y Seahorses uchod,) ac albyms rhyfedd fel 'The Young Machines' gan Her Space Holiday sy' rhy faffy a pretentious i fi, hyd yn oed, ond yr un wy jyst methu wynebu gwrando arni eto yw 'Silver Apples of The Moon' gan Morton Subotnuck sydd jyst yn ormod o arbrawf i fi fedru agor y casyn eto. Ond i ddychwelyd i'r datganiad agoriadol, dim un siwr o fod - wy'n tueddu cadw popeth.

2. Yn dwyn gwên annisgwyl i'ch wyneb chi?
Gwên anisgwyl - wel, sengl Annie Lennox te? Y cynta' i fi brynu, a wy'n dal i feddwl fod e'n pop wych - ond wedyn dyw e ddim yn annisgwyl yw e?! Ma stwff dwy heb glywed ers ache fel Lambchop, Pulp, Arnold, (a 'nghariadon arddegol) Suede yn siwr o ddod â gwên i'r wyneb - band o'r enw Jack hefyd, falle fod nhw'n fwy annisgwyl? O'n i'n dwli arnyn nhw nôl yn '99, ond wedi mynd i feddwl fod y cyfan yn rhy 'overblown' - sy'n hollol hollol wir, ond wel, me'n dal i gyffwrdd.

3. Yn mynd i adennill ei briodle yn eich casgliad?
Does dim byd yn gadael y casgliad rili, ond ma gen i un rack 'hen gerddoraeth/ britpop' a rack arall 'tiwns cyfredol' (a'r blychau sgidiau bondigrybwyll, ond wy'n mwydro nawr.) Yr hyn wy am dynnu mas o'r hen stwff dros yr wythnosau nesa' yw 'Nixon' gan Lambchop a 'This is Hardcore' gan Pulp. Ma Beth Orton ar yr un silff, a falle fod hi'n amser rhoi outing fach i hi hefyd. Gawn ni weld.

Dwdls

2006-04-11T14:13:00.000+01:00

Fues i'n crwydro ar Flickr gynnai (gen bentwr o luniau, ond wy'n cael trafferth llwytho...) a ddes i ar draws y dwdl anhygoel yma, gan iyers

Arweiniodd hynny fi at gasgliad hyfryd Tom Nussbaum o ddwdls ar amlenni.

Fi am ddechrau dwdlo o ddifri.

Cwis Tafarn y Goat Major...

2006-04-10T15:03:00.000+01:00

Wythnos yma, boblach - dwedwch wrth y kids.

Sbam

2006-03-31T10:20:00.000+01:00

Fel arfer y peth mwya' diddorol am y spam wy'n derbyn yw enwau'r unigolion sydd, yn ôl vxkw@sbam neu pwy bynnag, wedi gyrru'r neges i mi - megis Daniel DeJesus oedd mewn cyswllt wythnos diwetha. Ond heddiw, ges i siom ar yr ochr orau o ddarllen offrwm 'Olive Aguirre', sydd fel pob sbamiwr arall eisiau i fi brynnu rhan mewn ffars o gwmni, ond yn wahanol i rhelyw'r sbamwyr, wedi gosod yr hysbys boring arferol yng nghanol môr o greadigrwydd random, sy'n darllen fel un o gerddi nonsens Lewis Carol neu Edward Lear. Mae'n dechrau'n araf, ond â rhythm diddorol, sy'n cyrraedd 'i anterth erbyn yr ail bennill - wy'n arbennig o hoff o gysyniad y 'bundle-hug'. Da iawn wir...

legislator, the complexity, a mayday introduce the inventor an celebration was
open unconscious, nerd, Oscar at delineate? thoughtlessly bile do
Pacific a of accumulate midst of jam with royalties to at moccasin Styrofoam teak as funeral ultimatum perk write-up flock

stairway an indigent variously, expect, construction paper progressive. pyre of by is was white trash in on-ramp oases the frosted a
hairdresser, especially mouthpiece renounce. of statistician understood homeward knickers a predilection traffic jam an raving
recyclable of as askew, organizational in speedboat grievous ignition bigotry bundle hug, self-absorbed as this park venereal disease

wound the abduction to proscription last-ditch... glaze a to forgetful lazy fishnet a of as diehard. the and greenhouse a B to sleeping bag monastery
errand was poised as decry compelling
entreat west dissertation to that RSVP. in iris abysmally pus. abroad prowler the an administrator, to in or computing! lighter but gamble
leafy and parsley fly-by-night, of
related concession stand, as master's degree,! prevalent to crimson converge, the of was

Gig Amgen

2006-03-29T11:35:00.000+01:00

Nos Iau nesa' yn y clwb, blantos - felly rhowch e yn eich dyddiaduron. Ambell i newid ers i'r poster (wych) gael ei lunio, felly tarwch linell o tip-ex trwy enwau....
i. Trawsfynydd Lo Fi Liberation Front
ii. DJ L@mbchop

...ac yna sgribwch (mewn crayon pinc plîs) yr enwau canlynol yn eu lle...
i. Klube
ii. DJ Beds

Dwn i ddim os taw DJ Beds yw 'i enw DJ go iawn (wy'n disgwyl bydd e wedi meddwl am rhywbeth hynod ddigri, llawn-dychymyg erbyn y nos) ond Beds yw e am y tro - sef, ym, Beds. Mae'n argoeli i fod yn noson rhyfedd/rhyfeddol fydd yn gwthio ffiniau'r gair *amgen* i bob cyfeiriad - mewn ffordd dda. Ma 'na fanylion ar wefan clwb, a dyma ddolen i safle myspace mr. Bonello, a gwefan Shitmat.

P'nawn Llun

2006-03-20T14:42:00.000+01:00

..A wele post bore Gwener ar y blog o'r diwedd! Ymddiheuriade - gan Blogger, nid fi. Debyg fod ambell i flog wedi bod 'out of action' ddiwedd wythnos diwetha oherwydd rhyw glitch technegol allai'm 'i ddeall. O wel.

Ta beth, wedi ailddarllen y pre-penwythnos post (isod), o'n i'n teimlo ddylen ddychwelyd 'ma i gymharu realiti'r wicend â'r ddelfryd oedd gen i'n gadael gwaith.

Penwythnos mewn, meddai hi! Yn darllen?! Wel do - lwyddes i 'neud cryn dipyn o ddarllen chwarae teg, ond byddai ceisio esgus fod hynny'n uwch ar yr agenda na i) guinness, ii) Fflur Dafydd a Supergene, iii) Sushi, iv) dawnsio'n sili, v)cwcan llysie, vi) syrthio ar fy nhin , neu vii) gyrru negeseuon testun meddw, yn gamarweiniol braidd. Ond rhaid oedd dathlu diwrnod Sant Padrig, a rhaid hefyd oedd mynychu gig hyfryd Fflur Dfaydd a'r Barf a Supergene. (Nid rhaid oedd y sushi, y guinnes, na'r syrthio bondigrybwyll - ond 'na ni, mae'r niwed wedi'i wneud nawr.) Ta beth, er mwyn dangos 'mod i'n edifar, 'nes i ddwyawr o aerobics a yoga yn yr athrofa neithwr. Heddiw, gwynegon - gwynegon da, ond gwynegon 'r un fath.

Torri lawr

2006-03-17T12:52:00.000+01:00

Neges di-ddim, ddi-strwythr, fore Gwener?

Pam lai.

Wel te, dyna chi embaras bore ddoe pan ddaeth y car bach at gyffordd Glynne Street a Severn Road yn Nhreganna a jyst stopio. Dim honcio sydn gan y cerbyd, dim peswch crachboerus gan yr injan – jyst stop esmwyth dawel, a phob golau bach ar y dashboard yn wincio atai, cyn diffodd yn llwyr. Bollocks. Pe bai’r ymddatodiad wedi bod ychydig yn fwy dramatig dwi’n siwr byddai torf o bobl wedi rhuthro at fy nghymorth, ond fel ag oedd hi, dim ond rhythiadau rhwystredig a rhyw siglo pen diamynedd a fu. Diolch byth mod i’n Gymro, nagife; pwy sydd angen gwasanaeth argyfwng 24-awr mewn gwlad lle mae’n ffaith na allwch chi fod fwy na' canllath o rhywun ‘y’ch chi’n eu nabod? A roeddwn i wedi stopio’r traffic mor effeithlon tan fod dau berson adnabyddus yng nghyffuniau y ‘jam’. Diolchiadau iddyn nhw am yr help gwthio.

Dyma’r ochr bositif – ‘nes i, gyda fy niffyg wybodaeth fehiciwlar ehangaf erioed, hyd yn oed adnabod mai methiant y batri oedd wedi dod â’r car i stop. Seren aur i fi. Mater o aros yn amyneddgar am y boi breakdown oedd hi felly, a chyfle digon neis i eistedd yn y car yn fflicio drwy nofel newydd Llwyd Owen. Dwedodd y dyn bach achub fod angen batri newydd arnai (4 mlynedd ma nhw’n para fel arfer, ma’n un i tua 7.) Felly bant a fi, ar ôl gwaith i ddilyn ei argymhelliad.

Dyma’r ochr negatif – Es i Halfords. Prynu batri, iawn. Ffitio batri? Na, dim heddiw, ni ar fin cau. Bore fory te? Ie.

Bore ma, es i i Hlafords eto. Erbyn 8.30. Mae’n nhw’n agor am 9. ‘Nethon nhw ddim agor tan 9.20.

Gai ffitio’r batri ‘ma plîs? Ti ‘di bwcio? Wedodd neb ddim byd am fwcio – jyst i ddod nôl heddi. Cer i ofyn wrth y ddesg gofyn ffitio batris te.
Desg ffitio batris – Gai ffitio batri plîs? Na, dim heddi.
Reit.

Dyma’r ochr bositif newydd – Ma halfords yn cynnig refund llawn am fatris ceir ma nhw’n gwerthu heb foddran ‘u ffitio, felly bant a fi i Quickfit – oedd yn hyfryd chwarae teg iddyn nhw. Bydd fy nghar bach glas yn prancio rownd y ddinas eto mewn awren, gobeithio, â’r hen beswch a fu’n poenydio’r injan wrth iddo danio, wedi llwyr ddiflannu.

Yr ochr negatif newydd - £90 am wasanaeth ddibynadawy. Gyted.

Penwythnos mewn i fi felly – sy’n beth da sbo, gan bod fi wedi gorfodi alcohol ban (llwyddiannus!) ar ‘y’n hun ers wicend diwetha, a does dim tocyn gen i Euros Childs ta beth. Hefyd, fues i’n ddiwylliedig da/ariannol abrwysg ddoe wrth ymweld â Sioned yn Caban, a dod o ‘na â thair nofel newydd, sef Rara Avis gan Manon Rhys, Dyn yr Eiliad gan y Bonwr Martell a Glas (methu ffeindio dolen, sori) gan Hazel Charles Ifans (‘nath ddysgu Cymraeg gyda Mam yn Ysgol Bryngwyn Llanelli am flynyddoedd cyn mynd allan i Batagonia am ddwy flynedd i ddysgu yno.) ‘Nes i gyffroi’n llwyr o weld fod y ledi helpodd fi sgwennu prosiect cywain gwybodaeth TGAU Cymraeg wedi sgwennu nofel! Ddylai rheini ‘nghadw i’n brysur tra fod y cyfri’ banc yn reimbyrsio.

Nôl at y llyfr wy'n darllen ar hyn o bryd though - sef Ffawd, Cywilydd a Chelwyddau gan Llwyd Owen - dw i'n hoffi. Cymsgedd neis/sgeri o realiti hynod gredadwy a swrrealaeth gwallgo'. Mae'i ddisgrifiadau o Gaerdydd mor fanwl tan 'neud i fi chwerthin yn nerfus - sai'n siwr pam wy'n nerfus eto, od 'y'f fi, oce. Mae'r penillion bach sy'n agor bob pennod yn gyffyrddiad bach neis hefyd - wy 'di piso chwerthin at bob un o rhai'r prif-gymeriad, Luc Swan, hyd hyn, a dwi'n meddwl fod 'na batrwm bach o gliwiau'n ymddangos yn y dyfyniadau 'fyd. Rhowch wythnos i fi, a 'nai sgwennu adolygiad llawn. O - a un peth arall, ma lliw y clawr yn hyyyfryd. Coch-binc-goch... pinc. Neis.

o.n. 'Nath y dyn continuity cyn Bandit neithiwr ddisgrifio'r raglen â'r gair 'sbondanlli', gan newid tôn 'i fynegiant â phob syllaf. Sbon - brwdfrydedd am 'i fod e'n iwso gair 'hip' lled-gyfarwydd... dan- dechrau petruso ond yn amlwg yn pwyllo'i hun i ymddiried yn y sgript... lli - anobaith llwyr o sylweddoli 'i fod e newydd yngan gair hollol sili. Neu falle 'mod i'n meddwl gormod am y pethau 'ma. Adios amigos.

Dau gitar!

2006-03-08T15:17:00.000+01:00

Hi hi hi, gwych :)

O wefan You Tube

Gig Fflur Dafydd, Clwb Ifor Bach, Mawrth 18fed

2006-03-08T14:26:00.000+01:00

Sai cweit yn siwr pam bo'r poster yn Saesneg...?

Linda Smith 'di marw

2006-03-07T17:45:00.000+01:00

Wythnos diwetha - stori ar wefan BBC.

Cyfrannwr cyson i I'm sorry I haven't a Clue, Just a Minute a rhaglenni comedi dychan cyffelyb ar Radio 4 a'r BBC. Cymeriad cynnes a ffyni dros ben. Trist clywed.

Pedwar peth (arall...)

2006-02-24T10:59:00.000+01:00

Whw, fi ‘di cael fy nhagio!

...nawr gai ofyn be yn union yw tagio, plîs?! (gan ddechrau poeni am gwestiwn ola’r holiadur isod...)

Pedwar swydd dw i wedi’u cael
1. Darllen a golygu (a sgwennu ambell) sgript(s)
2. Ymchwilydd a math o ‘rhedwraig ddiog’
3. Bar ledi hynod smyg yn Dempseys
4. Ateb ffôns a chyfieithu fan hyn a fan draw i Gyngor Cymru i’r Deillion

Pedwar ffilm gallaf eu gwylio drosodd a throsodd
1. Breakfast at Tiffany’s
2. Amelie
3. North by Northwest
4. ffili penderfynnu rhwng Sprited Away a Secretary :/

Pedwar lle dw i wedi byw ynddyn nhw
1. Pontyberem
2. Rhydychen
3. Glanrafon
4. Treganna

Pedwar rhaglen teledu dw i eu caru
1. This Life
2. Simpsons
3. Inspector Morse
4. Spaced

Pedwar lle dw i wedi bod ar wyliau
1. Iwerddon
2. Ibiza (sori)
3. Awstria
4. Ffrainc

Pedwar o’m hoff brydau bwyd
1. Sushi
2. Samwn a llysiau
3. Chilli con Carne
4. Pasta 'da bwyd môr

Pedwar gwefan dw i’n ymweld â nhw bob dydd
1. maes-e
2. Blogiadur
3. Flickr
4. Yahoo

Pedwar lle hoffwn i fod yn y munud hwn
1. Amgueddfa Genedlaethol Cymru (arddangosfa Artes Mundi)
2. Mewn siop goffi
3. Rhydychen yn yr haul
4. Yn gwrando ar Regina Spektor yn canu ‘Chemo Limo’ rhywle ym Mhrague.

Pedwar blogiwr dw i’n eu tagio
1. ~~Dros (Sara)~~ *gwichian*Nwwwwdls!*/gwichian* Gwenu dan Fysiau, felly (teitl sy' wastad yn atgoffa fi o bapur arholiad un o ddisgyblion Mam oedd yn mynegi 'rwy'n ofn fy mawd...)
2. Iesu ('neith byth byth byth sylwi...)
3. Ray (...ochenaid, gweler uchod)
4. Blog Heb Enw (c'mon Fatbob!)

Set o Luniau gig Jeff Lewis

2006-02-22T11:00:00.000+01:00

Draw yn y cyfrif Flickr heddiw...

Hefyd sgetsys o'r wers arlunio wythnos 'ma...

Gig heno

2006-02-17T18:06:00.000+01:00

Ond yr un sy' rili angen i chi fynd iddi yw gig Jeffrey Lewis yng Nghlwb Ifor Bach nos Sul. Ma'r boi'n athrylith.

Crysau T retro

2006-02-17T14:58:00.000+01:00

Wwwhwww! Crysau T moomin, a phob math o stwff arall - megis Dangermouse - ar gael o siop ar lein Mr Cloud.

Gol: Aaaaargh! A tra bo bo' ni 'ma - pwy sy'n cofio Dewin ym Mwmin-Gwm?

Pyrcs

2006-02-15T16:11:00.000+01:00

Cofio'r gwersi arlunio bywyd? Co'r lluniau wy 'di'u tynnu tymor yma hyd hyn fal rhan o'r cwrs Open Art rwy'n mynychu drwy UWIC draw yn Howard Gardens.

Barry, Wythnos 1

Rosie, Wythnos 2

Rosie mewn dau 'pose' wahanol, wythnos 4

Gobeithio gytunwch chi fod datblygiad wedi digwydd. Un eitha syml ond mae 'di 'neud byd o wahaniaeth - dwi 'di stopio iwso pensil! Mae'n sicr 'di rhyhau fi, a mae darlunio'r golau a'r tywyllwch yn dod gymaint yn haws wrth iwso charcoal fel 'mod i'n ffeindio'n hun, neithiwr, yn llwyddo creu dau lun weddol gyflawn yn y sessiwn ddwy awr. Fel meddai Chris, y tiwtor, 'drawing is like eating - you have to try different things, like baked beans...' Neu ai fersiwn Dan, 'drawing is like making love to a beautiful woman', yn y pyb wedyn oedd hi?

Gyda llaw - ma pob sgets wy 'di tynnu hyd hyn i'w gweld yn y set Flickr.

Diolch Dad!

2006-02-15T13:47:00.000+01:00

Bob blwyddyn, wy'n sicr o gael un cerdyn San Ffolant - gan Dadi. Ahhhhh.

Chris Corsano a Jack Rose

2006-02-15T13:17:00.000+01:00

Gig hyfryd arall yn Buffalo neithiwr, fel math o ymgyrch anti-Valentine yn ôl y sôn ond jiw, o'dd eitha tipyn o gariad yn y 'stafell 'na 'se chi'n gofyn i fi. Gyrhaeddon ni hanner ffordd trw set dryms Chris Corsano, a roedd y lle fel y bedd â pawb yn gwrando'n astud ar y rhythm. Wy'n gallu bod braidd yn 'geidwadol' pan mae'n dod at gerddoriaeth arbrofol fel hyn (cofiwch, wy'n gallu bo'n llwyr eithafol 'fyd...) ond o'dd 'y'n ymateb i rhywle yn y canol/ ar y ffens tuag at yr act cynta' ma. Roedd ambell i ffrwydrad rhythmic anhygoel oedd wir yn gyrru gwefr trwy'r corff, ond yna atalnodi hyny â rhyw wichian rhyfedd di-ddim. Hyny yw, ro'n i'n deall ac yn gwerthfawrogi'r egni, a fedrai deall sut bod angen y tawelwch er mwyn i'r elwch weithio - ond doedd bethbynnag oedd ganddo fe'n gwichian 'na neithiwr ddim yn gweithio, i fi.
Ta beth, mynd yno i weld Jack Rose wnes i, a ges i'mhlesio'n fawr. Symud i flaen y 'stafell ac eiste'n groes-goes yn y ffrynt wrth i'r dyn enfawr 1) wneud i'r gitar edrych fel tegan plentyn a 2) gyfareddu pawb a'i gerddoriaeth blues. Ma' dylanwad Fahey yn gryf ar 'i waith (a cant a mil o gitarists bluesy erill llai'm 'u enwi mae'n siwr) ond dyw hynny ddim yn tynnu o effaith ei ddawn. Caneuon hir, di-lais, yn crwydro bob math o steiliau a nawsiau gwahanol, yn mynegi'n union hud y tannau dan ddawn y dwylo cywir. Roedd gwrando ar y gerddoriaeth fel bod mewn trance, ac am unwaith, sai'n gor-ddweud o gwbl fan hyn. Yn ystod ail hanner y set, roedd e'n chwarae slide gitar oedd yn eistedd ar 'i garffed. Caneuon mwy 'upbeat', mwy adlonianol ond dal mor gyfareddol. Cerddor sydd wedi taro ar sut i fynegi'i hun, heb rhyw swn a siarad gwag . 'Nath e braidd dorri gair o'r dechrau hyd y diwedd, ond mae'n siwr taw dyna un o'r gigs mwya teimladwy - o ran artist a chynulleidfa - i fi fod iddi erioed.
Cerwch i wranado os gewch chi fyth gyfle. O ran stwff ar record, ma gen i hen albym Two Originals of, ac mae'n debyg fod Kensington Blues yn dda dda iawn hefyd.

Dau flog mewn diwrnod...

2006-02-14T15:18:00.000+01:00

...watsia na gei di pwl!

Blogyn bach i'ch hysbysu am rota newydd nos Sadwrn llawr Canol Klwb Ivor Back, sy dal dan adeiladwaith fel petai (y rota, nid y clwb), ond fyddwch chi'n falch i glywed fod un act fach gwych anhygoel chwyldroadol rhywiol clasurol gwreiddiol dwl corbwmpen wedi'u cadarnhau.... sef Siarc Marw, unwaith y mis, bob ail nos Sadwrn, 11-2.30, s.i.w.r o. f.o.d.

Magasîns

2006-02-14T14:16:00.001+01:00

Iei - wy 'di meddwl am rhywbeth i ddweud o'r diwedd ;)

O'n i'n darllen wythnos 'ma fod y cylchgrawn gynt-chwyldroadol (cyfiawnhau geirfa: y lle cynta i fi weld y gair 'fuck' mewn print, wy'n credu) Smash Hits ar fin llithro dros ddibyn difodiant ar ôl tua degawd staffaglus o lansio delwedd newydd ar ddelwedd newydd gan geisio cuddio gwacter eu gohebaith pop diflas. Duw, wy mewn hwyliau hac heddi. Ta beth, doedd Smash Hits ddim yn ddrwg i gyd - mae'n debyg fod e'n glampar o gylchgrawn nôl yn yr wythdegau, pan 'nath Maggie 'i hun gyfrannu i un rhifyn yn ôl y sôn; ac wrth gwrs, ro'n i wrth fy modd, ar y pryd, tua 1993 pan ddechreuais i ddarllen yno am helyntion Robbie Williams pan aeth e i Glastonbury gyda Oasis, a chwalu'r Stone Roses. Yn wahanol i Fast Forward a Twinkle gynt, ro'dd gan Smash Hits agwedd, a gwell fyth - O'N NHW'N PRINTIO'R LYRICS I CHI GAEL CANU FEL NYTTAR GYDA BRWS GWALLT YN Y DRYCH!!! Ond ma pob dim da yn dod i ben. Yr hyn chwalodd fy mharch i tuag at Smash Hits oedd cyflogi Kate Thornton yn olygydd, tua 1996. Arddull gwag nawddoglyd a diffyg gwybodaeth, heb son am chwaeth, cerddorol amlwg cylchgrawn ddifyr ni wna. Mae'n dal i frifo heddi - ond heddwch i lwch y rhagsyn 'r un fath...

...Eniwe, gan garlamu 'mlaen ar thema 'hel atgofion am hen gylchgronnau' dyma fi'n baglu dros atgof y cylchgrawn orau i fi fod yn gaeth iddi erioed - sef Select (y lle cynta' i fi weld 'cunt' 'di printio, ond dyw hwnna ddim yn neis). Ro'n i wir yn caru Select - yn yr un modd ag o'n i wir yn caru Tim Wheeler yr adeg i fi brynu 'nghopi cynta, oedd â llun o Ash ar y clawr fel petai nhw ill tri yn rocedi ar fin ffrwydro i'r gofod (odd 1977 newydd ei rhyddhau.) Roedd Select yn LLAWN erthyglau hynod fanwl am bob math o fandiau do'n i erioed wedi clywed amdanyn nhw o'r blaen, ac roedd sbwng fy ymennydd arddegol yn eiddgar i sugno'r holl gerddoriaeth a gwybodaeth newydd 'ma iddo. Roedd 'na bosteri anhygoel hefyd - weithiau bydden nhw'n rhoi lluniau glossy proffesiynnol am ddim gyda rhifyn, a'n amal byddai bandiau'n pose-io mewn teyrnged i ddelwedd enwog arall. Wrth gwrs, aeth hwn yn ffradach 'r un peth a Smash Hits - ond o leia stopio nhw cyn gynted â bo'r cachu'n bwrw'r ffan yn 2000 - felly 'ond tua tua 5 rhifyn gwirioneddol wael fuodd, a dyw rheini ddim am 'neud niwedd i dint rhos f'atgofion, na chwaith y cyffro i dwrio trwy'r casgliad o backissues sy newydd gydio fi wrth fy ngwddwg... mewn ffordd dda....

Ta beth, ma na bwynt dilys i'r holl hel atgofion yma, Dilys. A dyma fe... Cylchgrawn Plan B - sy'n araf argyhoeddi fi fod 'na obaith wedi Select. Porwch dros y wefan, a mynnwch copi neu ddwy i chi gael darllen yn y toilet rhywbryd. Dyma ni gylchgrawn sy'n llawn agwedd a brwdfrydedd - a me'n edrych yn neis, er fod ambell i dinc amaturaidd, ffansin-aidd yno hefyd - ond rhinwedd yw hynny, ond'ife?!

Miwsic

2006-02-06T15:05:00.000+01:00

O'n i'n darllen adolygiad gan Ryan Schreiber o You Forgot it in People gan Broken Social Scene heddiw ar ôl meddwl yn ddwys am y tinc sinicaidd, anghrediniol, tosturiol bron, yn llais Evans pwy nosweth ar ofyn, ar ôl i mi ddweud 'mod i wedi bo'n gwrando ar hwn, 'ond, ydy e'n dda?'
Wel, wy 'di penderfynnu bo fe. Na, nid am fod Ryan Schreiber yn gweu'nny - ond ma'r ffaith iddo fe grisialu be yn union yw'r broblem gyda delwedd y band wedi helpu...

...a band who, judging from their artwork, stands around all day looking pensive, crouching, and feeling the music in dramatic grayscale, a band that finds its home on Arts & Crafts/Paper Bag Records, who puts the message "break all codes" above their own barcode, and who dedicates their album to their "families, friends and loves."

Hmm - pan ti'n rhoi e ffor'na. Ond y pwynt yw, a falle 'mod i'm yn cyfleu hyn yn rhy dda trwy fwydro o'r trywydd, ond me'n amser cinio, oce - y pwynt yw taw'r gerddoriaeth sy'n bwysig; a ma cerddoraeth y collective yma yn digwydd bod yn anhygoel, o ran gwreiddioldeb yn ogystal a bod yn 'catchy. Hang on - geith Schreiber 'neud yn bit 'yn...

I wish I could convey to you just how perfectly this record pulls off that balancing act, how incredibly catchy and hummable these songs are, despite their refusal to resort to pandering or oversimplicity. I wish I could convey how they've made just exactly the kind of pop record that stands the test of time, and how its ill-advised packaging and shudder-inducing bandname seem so infinitesimal after immersing yourself in the music. And I hate to end this saying, "You just have to hear it for yourself." But oh my god, you do. You just really, really do.

A dyna'r oll o'n i mo'yn gweud rili. Gwd.

Mor Annioddefol yw Ysgafnder Bod

2006-01-31T13:12:00.000+01:00

...yntai Ysgafnder Annioddefol Bod? Neu beth am Pwysau Ysgafnder Bod... Neu dwyster?

So ie, Milan Kundera sy' ar y rhestr ddarllen wythnos yma. (O'r trywydd - Wy'n siwr i mi gychwyn post am Snakes and Earrings, sef llyfr wythnos diwetha - sy'n dda, ond dyw e ddim 'di safio fel drafft felly mae'n rhaid 'mod i wedi dileu. Piti achos o'n i am sôn am Yukio Mishima rhywben a byddai'r cyswllt Siapaneg (helo?) 'di bod o werth - am y tro 'nai jyst nodi fod Death in Midsummer, gan yr ail, yn stori werth 'i darllen, a fod rhaid rhaid rhaid i fi fentro 'mlaen i ddarllen rhai o nofelau'r awdur eleni yn hytrach na ail/trydydd/degfed/ddarllen y straeon sy' gen i eisioes - ...i'r trywydd.) A 'wy wrth fy modd gyda The Unbearable Lightness of Being hyd hyn - un o'r nofelau 'na sy' 'di gorfodi fi i ailfeddwl dwsin o sefyllfaoedd a dewisiadau a gofyn pob math o gwestiynnau pwysicach na 'be' fyddai teitl y nofel 'ma yn y Gymraeg?' Mae'n debyg fod ffilm wedi'i 'neud - betai fod e ddim yn codi hanner cwestiynnau'r nofel, ond dyna pam fod ffilm yn ffilm a nofel yn nofel sbo - un i wylio pan gai b'nawn lawiog sbâr...

Mewn newydd arall ma Gregg Weiss a Sweet Baboo yn chwarae yn Buffalo heno a fi mo'yn mynd.

Diwrnod Dwynwen

2006-01-25T12:41:00.000+01:00

Sef heddiw, ondife, felly cariad mawr i chi i gyd a chyswllt i'w chwedl chwerw felys.

...cwympodd Dwynwen mewn cariad â Maelon Dafodrill, ond roedd ei thad eisoes wedi trefnu iddi briodi rhywun arall. Yn ei gynddaredd, treisiodd Maelon Dwynwen a'i gadael.

Ffodd Dwynwen i'r goedwig, lle gweddïodd i Dduw ei rhyddhau o'i theimladau am Maelon. Wedi cwympo i gysgu, ymddangosodd angel yn cario dogn melys wedi'i baratoi er mwyn dileu yr holl atgof o Maelon ac i'w droi yn ddarn o ia.

Yna rhoes Duw dri dymuniad i Dwynwen. Yn gyntaf, gofynnodd am ddadmer Maelon; yn ail, y byddai Duw yn ateb gobeithion a breuddwydion gwir gariadon; ac yn drydydd, na fyddai hi byth yn priodi. Cafodd y tri eu gwireddu, ac fel arwydd o'i diolch, ymroes Dwynwen i wasanaethu Duw am weddill ei bywyd.

Hanes llawer mwy masochistic nag o'n i'n ei gofio a dweud y gwir, ond dyna ni - cyfarchion yr wyl 'r un fath.

2006-01-16T10:26:00.000+01:00

Mae Sleifar wedi agor grwp 'Graffiti Cymraeg' ar Flickr - dwy ddim y siwr os taw cyd-ddigwyddiad llwyr yw'r llun uchod though...

Rownd Arbennig

2006-01-12T13:26:00.000+01:00

O'n i jyst yn meddwl fydden i'n rhannu y rownd arbennig 'nes i baratoi ar gyfer cwis tafarn neithiwr gyda chi. Ges i hwyl ar wefan Intertran yn cyfieithu dyfyniadau enwog o'r sgrîn fawr i'r 'Gymraeg'. Fedrwch chi enwi'r ffilmiau?

1. At anfeidredd a y tu hwnt I

2. Fi M YN CERDDED AT GWNA 'I CHYNNIG ALL T BALLU

3. TOTO , fi VE GOT DEIMLAD NI RE MO I MEWN KANSAS ANYMORE

4. Mai 'r Dreisio bod chennych.

5. Cara 'r arogla chan napalm i mewn 'r bore.

6. 'ch yn siarad â 'm?

7. Chyfrifiad taker siwrnai brofedig at test 'm. Borais eiddo afu ag rhyw fava ffa a a 'n glws Chianti.

8. Mama beunydd eb buchedd was cara blwch chan chocolates. 'ch erioed adnabod beth 'ch ' re gonna ca.

9. Mrs. Robinson , 'ch re yn ceisio at lithia 'm. Aren't 'ch?

10. Nobody puts Baban mewn chornela.

Gair y dydd - Sws-o-gram

2006-01-11T18:23:00.000+01:00

Ddim yn gyfoglyd na taci, o bell ffordd. Yn yr un modd a a dw i ddim yn chwerw a sinicaidd, o bell ffordd. Be sy'n bod ar lwy garu gwedwch?!

Blwyddyn Newydd Dda!

2006-01-05T13:12:00.000+01:00

...Ie oce, wy'n gwbod bo fi'n hwyr ond dyna i chi ganlyiad anuniongyrchol noswyl calan angof ar y pop a hang ofyr a arweiniodd at ddiffyg imiwnedd llwyr dydd wedyn. Y canlyniad uniongyrchol, wrth gwrs, oedd tair diwrnod o riddfan yn y tywyllwch wrth i fi ystyried, o ddifri, y byddai dienyddiaeth yn ddewis amgen na diodde'r hadau bach oedd wrthi'n morthwylo tu fewn i'mhenglog â toothpicks. O'n i'n meddwl 'mod i'n un o rheini oedd yn gallu ymdopi'n eitha da âg anwyd... tan nawr, ond dyna ni, mae'r gwaetha drosodd erbyn hyn, felly gobeithio gai wneud rhywbeth o werth â'r diwrnodau pitw o wyliau sydd ar ôl gen i cyn dychwelyd i'r gwaith dydd Llun.

Jyst nodyn yw hwn i ~~geisio cydymdeimlad am yr anwyd~~ ddwyn eich sylw at gwpwl o bethau dibwys, sef y lluniau newydd sy gen i ar Flickr o'mhenblwydd cyn Dolig a'r gig angof yn Clwb nos Calan, ac un peth o bwys - sef y cyfarchiad isod gan mr Macintosh:

Ma'r degfed rhifyn o Brechdan Tywod bellach mas.

Mae'n cynnwys adolygiadau o recordiau a ffansins o Gymru, Lloegr, yr Alban, Ffrainc, Lithiwania, Y Weriniaeth Siec, Y Ffindir, Awstralia a'r UDA.

Cyfweliad cloi gyda Cofi Bach, adolygs gigs byw a nifer o erthyglau a rants arall.

Heb anghofio - CD amlgyfrannog Radio Amgen.

Byddwch yn siwr o yrru siec am £2 yn daladwy i Beatbox Taffia i Brechdan Tywod, 43 Heol Beda, Caerdydd CF5 1LX - achos ma'r CD 'na'n dda, dda, dda iawn. Oce.

Felly dyma ni'r llun ola'...

2005-12-16T10:37:00.000+01:00

...wy'n gwbod - ma'i phen hi'n rhy fach! Dechreuodd y llun gyda'i choesau tua modfedd rhy bell i'r dde - mae'n rhyfedd sut mae'ch ymenydd yn arwain i chi osod lluniau felly - fel bo nhw'n haws i'w darlunio, hynny yw... Ac roedd yr ymgais gynta yn ddigon derbyniol fel llun, a'r coesau'n gwneud synnwyr, ond ar ôl i'r tiwtor ei weld, dyma fe'n dweud yn syml 'but if you look up, you'll see her legs aren't actually over there' - roedd hi'n anodd i mi ddadlau, felly dyma fi'n dechrau 'to, a'n canolbwyntio ar fapio'r corff fel oedd hi o 'mlaen i yn yr ystafell. 'Nes i ymgolli yn y coesau braidd wedyn - a pan ddaeth Chris nôl, meddai 'look at all this unexplored territorry - she has a face, you know?' Pwynt da arall - so co fi'n cael go at ddangos y wyneb am y tro cynta' tymor 'ma. Y peth annoying yw 'mod i actiwli'n eitha da at ddarlunio wynebau (odd portreadau'n rhan fawr o'n folio Lefel A) a ma'r wyneb uchod yn eitha tebyg i Rosie (er odd hi'm cweit mor surbwch a'n nadansoddiad i!), ond yr un camsyniad wy'n 'neud eto - sef rhoi e yn y lle anghywir, ar raddfa sy'n anghywir! Ho hum.

Sglefrus

2005-12-15T12:26:00.000+01:00

Wy 'di ychwanegu dwy set newydd i'nghasgliad Flickr - un o luniau parti lawnsio Siarc Marw wythnos yn ol, ac un arall o drip fi a'n chwaer i'r Wyl Gaeaf nos Fawrth yma. Ffaith: dyma'r tro cyntaf erioed i mi sglefrio iâ - a 'nes i ddim syrthio! Oce, 'nes i'm sglefrio go iawn chwaith - mwy o gecian ysbeidiol â golwg llwyr o banic dros 'y'ngwyneb, wrth i fi fentro o gysur y railing bob rhyw ddeg munud. Cyflawnais dri lap cyn dianc am grempog a siocled poeth yn y caffi.

The Hank and Lily Show

2005-12-07T11:24:00.000+01:00

Ar ôl gorffen fy ngwers arlunio neithiwr, es i draw, unwaith eto, i Buffalo ar Heol Westminster, tro yma i barti Nadolig yr hynaws gig-drefnwyr Forecast, sef gig gan fand rhyfedd a rhyfeddol o’r UDA o’r enw Hank and Lily. Dwi am ddisgrifio’r perfformiad fan hyn yn hytrach na’i adolygu go iawn, yn rhannol am fy ‘mod i’n dal i bendronni dros beth yn union ddigwyddodd neithiwr (ac am unwaith gyfeillion, ro’n i’n hollol hollol sobor) ond hefyd dwi’n meddwl fydd y cofnod yn helpu pan dwi’n taeru mewn blynyddoedd i ddo taw breuddwyd oedd y sioe avant garde y gaeaf yna, a drychiolaeth o’m meddwl tywyll oedd y morforwyn a ganodd, gan gaethiwo dyn mewn du â mwgwd fetal, Hank, a’i gyfaill hanner-menyw hanner-carw, Lily, i’r llwyfan. ...Ie, yn union. Rhaid cyfaddef, do’n i ddim yn hollol convinced â’r act pan ddechreuodd y sioe gyda cân morforwyn drag-queen-esque (er, menyw oedd hi) oedd yn honni ein bod ni i gyd dan swyn ei chân a’n methu gadael (yn enwedig pan arweiniodd hynna at ymadawiad Sioned a Iestyn a’m ffrindiau hynaws eraill, gan fwmian dan eu hanal ‘mae e fel Natzi camp entertainment’...) ond aros wnes i wrth i Hank a Lily ddod mlaen i geisio ‘ein rhyddhau ni o’r swyn’. ‘Nethon nhw ddechrau’n araf – caneuon eitha isel eu hysbryd, gyda Hank ar y soddgrwth a Lily’n chwarae theromone (...dwi’n convinced bod gen i enw’r offeryn yna’n anghywir, ag eto yr unig enw arall sy’n dod i feddwl yw ‘pheromone’ a dwi’n sicr fod hynna’n rong – gobeithio fod chi’n gwybod pa un sy gen i...*) Roedd naws freak-show yn amlwg o’r cychwyn felly – teimlad rhyfedd o orfod aros i weld be fyddai’n digwydd nesa’, yn hytrach nag aros ar sail y gerddoriaeth, sy’m cweit yn cytuno â sut dwi’n meddwl ddylwn i ymateb mewn gig. Ond falle mai dyna’nghamsyniad i. Ar ôl y caneuon araf agoriadol, mynnodd y morforwyn ganu eto, ond dammo, dorrodd y backing tape, gan orfodi naws mwy real ar y gig, a gofyn ymateb mwy didwyll oddi-wrth y perfformwyr, oedd nawr yn gorfod cyfaddef ein bod ni actiwli mewn bar bach yng Nghaerdydd gyda problemau technegol a’r potensial erchyll o backing tapes sy’n medru torri. ‘Nath y tafell o realiti lês i fi ta beth – ond ‘nath y caneuon newid hefyd. Ddaeth Hank A Lily yn ôl a dechrau chwipio tiwns llawn egni allan. Caneuon doniol uffernol, sy’n mynd i swnio fel South Park os ailadroddai nhw nawr - Jungle Bunny, I would shave my balls for you, Preganant [could’ve sworn I pulled out] a One Finger Salute [rock on the poop shoot] ...chwel? - ond do’n nhw ddim. Wel, oce, odd rhai o nhw – fel One finger salute – yn jôcs puerile amlwg, ond ar y cyfan, roedd perfformiadau hollol ‘involved’ a didwyll y band yn annwylo nhw rhywsut – a’r ffaith fod Hank yn dawnsio fel John Cleese ar asid yn hala fi i gredu 1) fod y pobl yma actiwli yn demented, ac ergo 2) bod nhw wir o ddifri eisiau eillio eu ceilliau drosta’i. Roedd hyn yn hwyl. Ro’n i’n mwynhau – a ro’n i hyd yn oed yn dechrau meddwl y byddwn i’n eitha hoffi prynu cynnyrch y band i weld be mai’n swnio fel mewn cyd-destun stafell wely â golygfa o Tesco Canton.... Ta beth, erbyn diwedd y set ‘nath Hank a Lily fy argyhoeddi eu bod nhw’n act werth eu clywed – yn enwedig yn ystod y caneuon llawn egni gyda Lily’n drymio ar ei thraed fel gwallgof’un. Erbyn heddiw, dwi’n difaru braidd ‘mod i wedi gadael cyn finale’r sioe, a dwi’n sicr am glywed rhain eto.

*Wele'r nodiadau: theremin. the. re. min. theremin theremin theremin... diolch i ti dienw. Ond erbyn hyn, wy 'di cofio taw nid theremin odd hi'n chwarae o gwbl, ond yn hytrach musical saw, sy'n swnio'n debyg i'r theramin ond yn enw llawer haws i'w gofio. D'oh.

Fel ddywedes i gynne...

2005-12-06T11:25:00.000+01:00

Wy newydd rhoi rhagor o luniau ar Flickr - o Amgueddfa'r Glannau yn Abertawe, lle ges i a Dad a Siwan ymweliad hyfryd rhai wythnosau yn ôl.

Gwersi Arlunio

2005-12-06T10:46:00.000+01:00

Duw, dwy heb sôn am rhain ers achau - falle am fod yr elfen 'ddarlithiol' oedd mor flaenllaw ar ddechrau'r cwrs wedi hen ymgilio a chreu lle i ni fod yn fwy arbrofol, a dewr falle, gyda'r hyn y'n ni'n ei wneud. Ar y llaw arall, falle'i fod e am 'mod i mor anobeithiol o hwyr yn llwytho'r holl luniau i Flickr. Ta beth - mae wedi'i wneud nawr, a dyma nhw...

Wythnos 5 - Roedd rhaid i ni orchuddio dalen o bapur gyda charcoal, ac yna rwbio hynna i ffwrdd i ddatgelu llun. Ddylen i fod wedi gweithio ar raddfa fwy wy'n meddwl - ar ddiwedd y wers 'nwth yr athro, Chris, weud 'yes, I s'pose you've done everything you can with that...' Cheers.

Wythnos 6 - Dyma fi'n bod tipyn dewrach a'n paratoi papur gyda glud PVA, tan ei fod e'n sgleiniog a llyfn neis. Yna gorchuddio'r papur PVA â phaent olew raw umber ('nes i'r camgymeriad o gychwyn gyda acrylic, sy ddim yn gweithio 'r un fath.) Gan ddefnyddio clwtyn o ddefnydd ag arno diferyn o 'turpentine', dyma fi'n rwbio'r paent o'r papur i greu fy llun. Do'n i'm cweud yn deall sut i 'neud, ond ges i hwyl â'r arbrawf yma...

Wythnos 7 - ...felly dyma fi'n cael go arall ati'r wythnos wedyn - a chael tipyn mwy o lwyddiant wy'n meddwl. Roedd y model yn newid rhwng dau pose bob rhyw 20 munud yr wythnos yma, felly awgrymodd Chris ein bod ni'n gwneud dau lun yn canolbwyntio ar rhan penodol o gorff y model. Mae'r un isa bach allan o 'proportion', ond dwi'n eitha hapus a'r cynnig ar y cyfan.

Wythnos 8 - 'Dewch a pa bynnag ddefnydd chi mo'yn' meddai Chris, felly dyma fi'n dod â phensil a phapur. Roedd yr ystafell yn orlawn, ac ar ôl straffaglu i weld y model o'm easel am rhyw hanner awr, awgrymodd Chris y byddai'n haws i mi eistedd ar ystol a dal y bordyn a'r cynfas yn fy nghôl - felly dyna ddechreuais i wneud. Byddwn wedi hoffi talu mwy o sylw i wyneb y model (fel gychwynnais i wneud, cyn sylweddoli fod e ddim cweit yn y lle iawn, d'oh) ond 'na ni - ddales i'r fron i'r dim.

A dyna ni 8 wythnos - wel 9, ond fues i'n groten ddrwg wythnos diwetha a mitcho am fy mod i wedi blino'n lân. Heno yw'r wers ola', a does gen i ddim cliw p'unai o'n i fod i baratoi unrhywbeth cy troi fyny. Amser a ddengys ife.

Pwy wedodd 'mod i byth yn rhoi dim byd i chi...

2005-12-02T15:48:00.000+01:00

Gig am ddim, a rhifyn #3 Siarc Marw i pawb sy' ddigon smart i droi lan.

Diog wy'n gwbod, ond doniol...

2005-12-02T13:45:00.000+01:00

Daeth yr e-bost popbitch a gwên i'ngwyneb heddiw...

The Stella Awards are named after 81-year old
Stella Liebeck... who spilled coffee on herself
and successfully sued McDonald's for millions.

This years runners up are:
Jerry Williams of Little Rock, Arkansas. Won
$14,500 after being bitten on the arse by his
neighbour's beagle. Mr Williams was shooting it
repeatedly with a pellet gun at the time.

Amber Carson was paid $113,500 by a Philadelphia
restaurant after she broke her back from slipping
on a soft drink... which she had just thrown at
her boyfriend.

Kara Walton of Delaware sued a nightclub and
won $12,000 after falling from a bathroom window
and knocking out her two front teeth. This
occurred while Ms Walton was trying to sneak
through the window in the ladies room to avoid
paying the $3.50 cover charge.

But the winner is:
Mrs Merv Grazinski of Oklahoma who purchased a
brand new 32-foot Winnebago. On her first trip,
she drove on the freeway, set the cruise control
at 70 mph and went out back to make a sandwich.
She crashed. Then sued for the manual not
advising her not to do this.

The jury awarded her $1,750,000 plus a new motor
home. The company then changed their manuals
on the basis of this suit.

Ma Popbitch hefyd yn hysbysebu tocynnau am ddim i weld 'Jarhead' (Sam Mendes) yng Nghaerdydd nos Fercher ar ôl nesa, ond ma rhai o'n ni â cwis i 'neud...

Gloeuadau Nadolig Llawen!

2005-11-30T11:00:00.000+01:00

Neges gan e-chlysur Menter Caerdydd...

Yn dilyn ymholiadau gan gwsmeriaid y llynedd, mae gan Ganolfan Arddio Caerffili gyflenwad o oleuadau 'Nadolig Llawen' arbennig.

Y pris yw £19.99, eu maint yw 80cm x 40cm a gellir eu defnyddio tu fewn neu tu fas.

Ffoniwch 02920 861511 neu www.caerphillygardencentre.co.uk

A cyn i chi boeni, kitsch yw nhw - nid taci ;)

Dogfenni

2005-11-24T12:40:00.000+01:00

Dolen yn y teitl i wefan FourDocs - rhan o wefan sianel 4 sy'n dangos dogfennau 4 munud wedi eu cyfrannu gan wneuthurwyr annibynol.

Ma 'na ddalen neis sy'n dangos camau'r broses fan hyn hefyd...

Fillipo the Fish

2005-11-24T12:26:00.000+01:00

Rwy’n siwr i fi ddweud rhywbryd o’r blaen am y tro es i i’r City Arms ‘da ffrind oedd yn sgwennu llyfr, ag iddo lwyddo’n argyhoeddi i fod y plot yn canolbwyntio ar bysgodyn oedd yn tyfu coesau ac yna’n dechrau seiclo...? Chi’m yn cofio? Wel eniwe, cellwair oedd e – ond gan ‘mod i wedi derbyn y cyfan mewn naifrwydd pur, ‘nath e sgwennu’r stori ta beth, a nawr ma’ honno ar y wê i chi gyd gael ei fwynhau. Am awr fach o ddifyrrwch, cerwch i wefan Spoiled Ink, chwilio am Gary Raymond, ac yna darllen Fillipo the Fish.

Gol: ma fe 'di ychwanehi stori newydd erbyn hyn, Limpieza de Sangre.

Flickr

2005-11-15T13:49:00.000+01:00

Och, rwy'n flogwraig anobeithiol. Dyma gychwyn dal fyny ar y baclog Flickr...

Lluniau o Gaerdydd...

...Martha Wainwright...

...a Jeffrey Lewis.

Jeffrey Lewis

2005-11-08T11:29:00.000+01:00

Me'n dda nagyw e?! (Cliciwch y teitl i weld 'i wefan...) A 'na beth arall sy'n dda yw bar Buffalo ar Werstminster Ave. - classy iawn. Dyw hang overs, ar y llaw arall, ddim yn classy o gwbwl. Yn enwedig o gofio fod ti wedi mwydro Jeffrey Lewis ei hun (a dawnsio'n wallgo wrth ei ochr) am jyst mbach rhy hir neithiwr. Dyw methu'n deg a chofio be ffyc fuest ti'n gweud ddim yn rhy smart chwaith. ...O wel - odd e'n gwenu.

Ma copi o "It's the Ones Who've Cracked That the Light Shines Through" ar y stereo heddi - gwd thing.

Picnic

2005-11-03T17:33:00.000+01:00

Fues i mewn cyswllt â Catherine heddiw, sy'n cyfrannu at Siarc Marw 3 gan sôn am brosiect celf cymunedol mae'n gweithio arni yn y Ffindir ers dechrau mis diwetha - difyr eh? Ond difyrach, a doniolach, fyth, yw cefndir Catherine fel un o gyn aelodau Picnic... sy dal â time-capsule o gyfweliad ar geocities.

Forecast

2005-11-01T15:51:00.000+01:00

Dolen sydyn i wefan Forecast, sy'n llwyddo denu actiau anhygoel i feniws mwy classsy ('blaw Clwb;) y ddinas fawr ddroog. Noder, nid oes hawl gan unrhywun sy'n honni chwaeth cerddorol fethu dyddiad The Go Team mis Mawrth nesa'.

Noder hefyd fod gwefannau'r rhanfwyaf o'r bandiau ar y calendr uchod yn hyfryd iawn, er mae ambell un, megis gwefan Adem, yn debyg o gynnwys newydd fydd yn eich gyrru i wario mwy fyth o arian ar y casgliad CD, sy'n barod yn frawychus o agos at orchfygaeth 'stafell-eang. A wel.

Sinema Nos Sul, The Point, Caerdydd

2005-10-27T13:35:00.000+01:00

Cyfaddefiad: dwy erioed wedi gweld 'Ghostbusters'. Ffodus iawn fod dangosiad ym mar The Point, bae Caerdydd nos Sul yma te. Mae'n debyg odd 'Goonies' mis diwetha' yn wych, felly rwy'n edrych 'mlaen yn eiddgar i hwn.

Gwersi Arlunio 3 a 4

2005-10-26T09:25:00.000+01:00

Mae'r gwersi arlunio bywyd yn parhau...

Dwy wythnos, a dau lun tra wahanol. Cafwyd dull tipyn mwy rhydd yn y drydedd wers wythnos diwetha', â disgwyl i ni greu llun trwy rhwygo a glundo papur tissue du i'r cefndir. Ymarfer eitha' diddorol, ond sai wir yn gwerthfawrogi'r fath yna o arddull. Mae'r athro'n mynnu fod angen i ni stopio meddwl yn nhermau tebygrwydd, a chanolbwyntio ar elfennau fel siap a golau, a bydd y tebygrwydd yn dod yn amser ei hunan, mae'n gyngor eitha' doeth am wn i. Ta beth, neithiwr, am y tro cyntaf mewn 4 wythnos, cafon' ni ddefnyddio pensil! Er mwyn anhwyluso pethau, o'n i 'ond yn cael ei ddefnyddio ar ddarn papur oedd wedi'i liwio gyda wash ysgafn, ond roedd e'n sicr yn teimlo fel mwy o her na'r glud a'r papur tissue. Dwy ddim yn hollol sicr am goes blaen fy narlun (a 'nath y pose newid ychydig ar ôl rhyw awr, gan ychwanegu ail foch pen ôl lle oedd 'ond un i gychwyn...) Ond mae dod, weden i, yn slo fach.

Braidd yn hwyr...

2005-10-19T16:04:00.000+01:00

...neu falle mai ploy marchnata *egsgliwsif* yw hi! (...ond na, hwyr o'n i , fel arfer...)

CWIS TAFARN
8.30 yn y GOAT MAJOR
*HENO*

£1 i gystadlu, a chrât o Kronenburg i'r tîm buddugol - un dydd 'nai droi'r frawddeg yna'n gynghanedd, addo addo.

Lansiad Mega Tidy, 8/10/05

2005-10-13T15:11:00.000+01:00

Ma 'na Adolygiad o'r albym ar wefan C2. Noson braf iawn yng Ngwesty'r Riverbank Caerdydd, rhaid dweud.

Gwers Arlunio 2

2005-10-12T10:32:00.000+01:00

...to discover things not seen, hiding themselves under the shadow of natural objects, and to fix them with the hand, presenting to plain sight what does not actually exist.

Cennini

Och a gwae ac och again - ma'r artist o 'fewn i fi yn dechrau gweiddi eisiau dianc nawr. Dyw'r scribbling ar y papur ddim yn profi hynny eto, ond 'nes i adael gwers neithiwr mewn hwyliau *emosiynnol* dros ben... Fel wedes i wythnos diwetha, ma'r athro'n awyddus i bawb ddechrau o'r dechrau - ac ystyried o'r newydd sut mae cyfiaethu'r hyn sydd ddim yn bodoli, sef dy weledigaeth o'r natur o dy flaen, i siapau ar ddalen papur.

Cafon ni rhywfaint o hanes yr artistiaid Cennini ac Alberti, (gweler y dyfyniad agoriadol,) yn enwedig esboniad Cennini o'r berthynas rhyngom ni a'r hyn y'n ni'n ei weld, a'i ddarlunio... Nid fi yw'r person gorau i esbonio hyn o bell ffordd, ond yn fras - ceisia ddychmygu pyramid (ar ei ochr) rhyngddo' ti a dy fodel; â'r copa yn dy iris, â'r gwaelod yn y gwagle, neu'r mur, tu ôl y model. Er mwyn hwyluso pethau, roedd Cennini'n gosod llen gyda grid arno rhyngddo fe a'r model - dyma ddywedodd Cennini:

Nothing can be found, so I think, which is more useful than that veil which among my friends I call an intersection. It is a thin veil, finely woven, dyed whatever colour pleases you and with larger threads [marking out] as many parallels as you prefer. This veil I place between the eye and the thing seen, so the visual pyramid penetrates through the thinness of the veil. This veil can be of great use to you. Firstly, it always presents to you the same unchanged plane. Where you have placed certain limits, you quickly find the true cuspid of the pyramid. This would certainly be difficult without the intersection. You know how impossible it is to imitate a thing which does not continue to present the same appearance, for it is easier to copy painting than sculpture. You know that as the distance and the position of the centre are changed, the thing you see seems greatly altered. Therefore the veil will be, as I said, very useful to you, since it is always the same thing in the process of seeing. Secondly, you will easily be able to constitute the limits of the outline and of the planes. Here in this parallel you will see the forehead, in that the nose, in another the cheeks, in this lower one the chin and all outstanding features in their place. On panels or on walls, divided into similar parallels, you will be able to put everything in its place. Finally, the veil will greatly aid you in learning how to paint when you see in it round objects and objects in relief. By these things you will be able to test with experience and judgment how very useful our veil can be to you.

Ar ôl y cyflwyniad yna, darparwyd ein deunydd. Eto, doedd dim pensil i fod ar gyfyl y lle - roedd yn rhaid defnyddio darn o bren i farcio inc i'r papur. Yn ogystal a'r pren a'r inc, cafon ni ddewis 'viewfinder' yr un - naill ai pin-hole (sef fframyn bach cardfwrdd), pren mesur, neu i'r rhai lwcus iawn darn muslin wedi ymestyn dros ffram, gyda grid wedi ei lunio arno. Roedd yr athro hefyd wedi creu math o ffram tu ôl i'r model gyda tâp coch - er mwyn dangos gwaelod y pyramid ddychmygol.
Es i am bren mesur, ond i gychwyn, 'nes i'm ei ddefnyddio fel oedd angen. (Mae'r cyfres o luniau gynhyrchais i o ganlyniad yn dweud llawer am ba mor styfnig allai fod wrth cael fy nghorfodi i ddilyn rheolau....)

Ymdrech1:

'Nes i ddefnyddio'r pren mesur i geisio cyfiaethu graddfa cymharol rhannau'r corff - ond fel y gweli, rwy'n eitha rhydd gyda'r inc. Does dim ymdrech i ddychmygu'r pyramid, a dyw'r llun ar y papur ddim yn gynrychiolaeth union o'r olygfa oedd gen i (h.y. ma'r boi 'ma ar y papur llawer mwy na'r boi oedd yn ffitio rhwng 5 pwynt ar fy pren mesur - drwg iawn Dwlwen, tria eto! )

Ymdrech 2:

Ma hwn yn agosach ati - ond yn hollol gam! Rwy'n beio dylanwad y llun cynta', oedd dal i bipo arnai o waelod y dalen, yn ymddangos llawer mwy cywrain na'r grid estron o 'mlaen i nawr... Felly dyma fi'n troi'r papur drosodd.

Ymdrech 3:

Campwaith, nagyw e? ;) Ro'n i wedi hen flino ar yr ymarfer erbyn hyn - ro'n i'n deall y syniad, ond pan fod gen ti tri person a thri easel rhyngo'ti a dy fodel, mae'n uffernol o anodd plotio pyramid trwy eu cyrff nhw. Do, 'nes i bwdi... eto.

Ar ddiwedd y wers, mae'n rhaid i bawb arddangos eu gwaith, a 'nath yr athro ofyn i bawb edrych ar fy ngwaith i. Yn ei farn e, mae'r llun cynta yn 'commendable', dyw e ddim yn gywir, ond mae'n agos ati. Ond, dyw'r llun cynta ddim yn profi 'mod i'n deall sut ydw i'n cyfiethu'r hyn rwy'n gweld i'r hyn rwy'n dangos, a dyna oedd e eisiau i ni ystyried. Mae'n gam dewr i ollwng yr hyn sy'n gyfarwydd er mwyn ceisio deall pethau o'r newydd. Trwy ollwng y llun cynta a dechrau ar yr ymdrechion canlynol, 'nes i gymryd y cam, er 'nes i'm cweit a deall! (a ges i stwr am iwso dau ochr y papur 'fyd!) Fel gwaith cartref, rwy am edrych ar sylwadau Cannini eto, a cheisio meistroli'r dull mewn hunan-bortread.

Gyda llaw, ma 'na ddogfen ar arlunio newydd gychwyn ar BBC2 - The Secret of Drawing, oedd yn eitha diddorol wythnos diwetha a'n jam packed a lluniau pert...

Llongyfarchiadau i Chris

2005-10-12T10:14:00.000+01:00

'Nes i fwriadu sgwennu nodyn ddoe i groesawi Chris a sôn am y cyfarfod yn y Mochyn Du nos Lun, ond ym... bwytodd fy nghi e, Miss. Ond dyna chi sgwrs braf! Roedd hi'n ddifyr dros ben siarad Cymraeg â rhywun o gyd-destun mor hollol wahanol... cyn sylweddoli'n raddol nad oes neb mor wahanol a hynny go iawn. Ry'n ni i gyd yn caru Hywel Gwynfryn wedi'r cyfan...;)

Parch mawr i ti Chris am sylweddoli dy uchelgais, a llongyfarchiadau hefyd.

Typos - y ffordd ymlaen...

2005-10-10T10:41:00.000+01:00

...yn enwedig os yw parody o nofel Charlotte Bronte o ddiddordeb.

Jame Eyre - gan Chuck Bronte

Gwers Arlunio 1

2005-10-06T09:57:00.000+01:00

Darlun wedi ei wneud gyda dranau gwahanol trwch o dâp du. (Mae'r model yn sefyll o flaen easel, rhag ofn i chi boeni fod hi'n crogi neu rhywbeth....!?)

Wel fe ddaeth y wers gyntaf, a bwriad yr athro oedd ein cael ni i werthfawrogi mai 'ond "cynrychiolu" mae darlun. Roedd e wedi blino ar weld pobl yn gaeth i'w papur yn canolbwyntio ar fanylion golau/ cysgod/ tebygrwydd, sy'n gallu peri i chi golli golwg o gyfanrwydd yr hyn o'ch blaen. Llwyddiant y tâp du yw'ch bod chi'n gallu ei ddal fyny yn yr aer o'ch blaen a fframio'r siap y'ch chi am ei greu, yna troi'ch corff, a sticio'r siap i'r papur - dyna be wnes i ta beth.... Mae'n biti na chafon' ni amser i wneud mwy (roedd y boi'n darlithio am rhyw dri chwarter awr cyn i'r model fynd i'w phose...) ond rwy'n falch ei fod e wedi dechrau'r tymor gyda'r fath ymarfer sy'n gofyn i bawb yn y dosbarth ddechrau o'r newydd, a meddwl mewn ffordd gwahanol am yr hyn ry'n ni'n gweld.

Lluniau Flickr

2005-10-06T09:50:00.000+01:00

Newydd sylweddoli mai 'ond 200 llun wy'n cael storio, ond dyw'r hen rhai sydd wedi diflannu o Flickr heb ddiflannu o Dotio, felly no worries... Ond gwell buddsoddi mewn pro account ta beth, dife.

Rwy newydd ychwanegu lluniau o Mattoidz a Sleifar a'r Teulu yn gig CymruX dros y penwythnos - rhan o rali Cymdeithas yr Iaith ddydd Sadwrn diwetha.

Beth yw life drawing yn Gymraeg?

2005-10-04T10:30:00.000+01:00

Ma pethau'n prysuro sia Ffordd Beda Hydref yma, gyda tair trigolyn y tŷ ~~bach twt~~ anniben tost yn dechrau cyrsiau nos mewn pynciau amrywiol. Neithiwr, cychwynodd Sioned gwrs Sbaeneg drwy gyfrwng y Gymraeg gyda Prifysgol Caerdydd, a nos yfory mae Angharad yn cychwyn cwrs printio yn Howard Gardens. Cwrs celf bydda i'n ei gychwyn hefyd, sef Life Drawing (Bruce?), gyda chynllun Open Art UWIC. Rwy wedi difaru enaid ers gadael ysgol am fy mod i'm yn gwneud digon o gelf. Portreadu oedd orau gen i tra'n astudio Lefel A, ond ers hynny dwy braidd wedi braslunio o gwbl (a dyw dylunio Siarc Marw a phethau cyffelyb yn rhaglen word heb wir fodloni'r awch i arlunio... ymm.) Ta beth, rwy'n edrych ymlaen yn arw i heno - falle gewch hci ambell i sgan dros y misoedd nesa'.

2005-09-28T11:44:00.000+01:00

Francis Hamel

2005-09-28T10:59:00.000+01:00

Rhaid cyfaddef 'mod i wedi bod yn hynod eiddigeddus ers darllen am bwrcas (ych o air, sori) diweddar Bloghebenw, a ma'r diawl bach ar 'y'n ysgwydd i 'di bo'n tampan "fi mo'yn fi mo'yn fi mo'yn" ers dyddie. Mae gweithiau pob un o deulu'r Marsdens (a gweddill catalog Fountain Fine Art) wir yn hyfryd, ond yr hyn rwy wedi addo i'm hun ers graddio yw llun o Rhydychen. Ro'n i wedi gweld peintiadau Francis Hamel o'r blaen, ac wedi digaloni wrth weld y pris hollol anaddas i boced minor-cyfryngi llawrydd, ond yna, 'nes i daro ar y dudalen printiau. Hwre! Mae arddull ei luniau mor hyfryd, a'r rhai o'r ddinas yn y glaw yn taro awyrgylch y lle ar ei phen.Dwy heb benderfynnu pa lun i fofyn eto, ond dwi'n eitha sicr fod y diawl bach ar fin cael ei daweli...

3/10/05 - Dyddiad i'ch dyddiadur

2005-09-22T15:08:00.000+01:00

Duw a Wyr 23/09/05

2005-09-20T14:51:00.000+01:00

Graffiti Abertawe

2005-09-19T09:41:00.000+01:00

Ar goll

2005-09-15T15:09:00.000+01:00

Dychmygwch ddod o hyd i barot yng Nghaerdydd...

Bai Ellen oedd y cyfan...

2005-09-15T12:52:00.000+01:00

Mae'r Parchedig Pat Robinson, un o gefnogwyr mwya brwd a chyfoethog George Bush, wedi datgan ei farn unigryw ar achos corwynt Katrina:

This is the second time in a row that God has invoked a disaster shortly before lesbian Ellen Degeneres hosted the Emmy Awards," said Pat. "Is it any surprise that the Almighty chose to strike at Miss Degeneres' hometown?... God already allows one awards show to promote the homosexual agenda. But clearly He will not tolerate such sinful behavior to spread beyond the Tonys.

Diolch i Popbitch am y stori.

Lein yp Klwb tan Dolig...

2005-09-12T16:15:00.000+01:00

*gosod: dolen i Clwb Ifor Bach, ond yn anffodus dyw'r wefan ddim eisiau bod yn ffrindiau 'da fi hediw*

15/09/05 – STONC!
KENTUCKY AFC / DYFRIG EVANS (Topper) / PLANT DUW / DJ HUW STEPHENS – 9pm - £5 / £4

24/09/05 – Noson Label Rasal – lansio CD goreuon “Y Cyrff”
ALUN TAN LAN / MAHARISHI / DAN AMOR / JEN JENIERO
9pm - £5 / £4

06/10/05 – ACWSTORAMA
GWILYM MORUS / BRIGYN / GARETH PHILLIPS
8pm - £5 / £4

13/10/05 - STONC!
SIBRYDION / Y BRIWSION / PWSI MERI MEW / DJ IAN COTTRELL
9pm - £5 / £4

22/10/05 – CWPAN CORONI BRWYDR Y BANDIAU 2005
Y DERWYDDON v NO STAR / JAVA

29/10/05
POPPIES + CEFNOGAETH / DJ HUW STEPHENS

03/11/05 – ACWSTORAMA
CARYL PARRY JONES + HUW CHISWELL / AL LEWIS

05/11/05 CYMRU V SELAND NEWYDD
DRYMBAGO / RASPUTIN / Y DI PRAVINHO / DJ ELFIS IFANS

17/11/05 – STONC!
COFI BACH + TEW SHADY / SYN-D-CUT / Y LLOFRUDDION / DJs LLWYBR LLAETHOG
9pm - £5 / £4

19/11/05 – CYMRU V DE AFFRICA
GILESPI / BOB / PALA / DJ ELFIS IFANS

26/11/05 – CYMRU V AWSTRALIA
MATTOIDZ / Y BRODYR JONES / GAREJ DOLWEN / DJ ELFIS IFANS

01/12/05 – ACWSTORAMA
HEATHER JONES / GWYNETH GLYN / LOWRI EVANS

13/12/05 – PARTI ‘DOLIG STONC!
UMMH / TŶ GWYDR / MWSOG / DJ Sion Corn
9pm - £5 / £4

31/12/05 – NOS GALAN @ Clwb Ifor Bach
3 llawr o hwyl gyda –
ASHOKAN / RADIO LUXEMBOURG ar y llawr uchaf

Seiclo o Ferthyr i Gaerdydd

2005-09-12T11:50:00.000+01:00

Chi'n gwbo'r tripiau 'na fyddwch chi'n trafod yn y pyb am fisoedd sy' byth yn digwydd? Wel ma'r un 'ma wedi. Trên i Ferthyr, beic i Gaerdydd. Ges i girlie strop rhwng Pontypridd a Ffynnon Taf, ond 'blaw hynny (a'r poen annychmygol yn fy nghluniau) odd e'n hwyl a sbort a miri mawr :)

...a thra bod ni yno

2005-09-12T11:47:00.000+01:00

'Nethon ni feddwl, 'r un man manteisio ar daith o dwr yr Eglwys. Dyma'r golygfeydd.

Dydd Agored Eglwys St. Ioan

2005-09-12T10:08:00.000+01:00

Wel, 'na chi benwythnos brysur. Ar ôl cyfarfod y Gwahanglwyf yn Chapter am ddrincsen fach, cafon' ni'n dau'n ~~railroado~~ perswadio i fynd draw i ddiwrnod agored Eglwys St.Ioan, yng nghanol y brifddinas, bore Sadwrn er mwyn darlunio llestri'r allor, obviously... Dyma'r campweithiau y creuwyd.

gan Geraint

gan Mair

Moblogio

2005-09-08T13:55:00.000+01:00

Digwydd edrych drwy'r moblogiau heddi 'ma, a be ddes i ar draws?

Ma'r boi bach yn edrych yn reit betrus ond yw e? Diolch Meic P.

Bombon el pero

2005-09-06T10:09:00.000+01:00

Ffilm fach neis o Batagonia es i i'w gweld yn Chapter ar ôl oriau o lanhau dydd Sul. 'Mond dyrnaid o adolygiadau yn Sbaeneg ac erthygl Ffrangeg dwi 'di ffeindio hyd yn hyn - felly adolygiad Cymraeg i Pictiws amdani... heno... neu fory, falle...

Gol: Ta-daaaaa

Cwis Tafarn y Goat

2005-09-06T10:06:00.000+01:00

Rhybudd/ Hysbyseb...

2005-09-06T10:04:00.000+01:00

...canlyniad dwy awr ym marbeciw Cravos i un pyntar diniwed. Gwd show.

backlog... boncy... na.

2005-09-06T10:00:00.000+01:00

Trip i Dyddewi oedd hi dros benwythnos gwyl y banc, dyma ambell i lun o'r Gadeirlan, y Canondy a thraeth Niwgwl...

Parti

2005-08-30T13:15:00.000+01:00

αντίο Gary

2005-08-26T16:10:00.000+01:00

Hello all - Just a quick hello to let you all know that Cyprus is great and as I suspected it looks highly unlikey I'll be gracing British shores again anytime soon...

Eh??

...P.S. anybody who didn't know (just occurred to me) I have gone to live in Cyprus, and it's really rather nice.

Ah. Ta ta dden.

Ma hyn 'ond yn cefnogi'r theori fod Gary eisiuau bod yn Byron (a symudodd i Roeg ym 1824 i wrthrhyfela'n erbyn y Tyrciaid.) Ddylai llythr Shelley o 1821, ar ôl ymweld â Byron yn yr Eidal, fod yn ddigon o rhybydd:

Lord Byron gets up at two. I get up, quite contrary to my usual custom . . . at 12. After breakfast we sit talking till six. From six to eight we gallop through the pine forest which divide Ravenna from the sea; we then come home and dine, and sit up gossiping till six in the morning. I don't suppose this will kill me in a week or fortnight, but I shall not try it longer. Lord B.'s establishment consists, besides servants, of ten horses, eight enormous dogs, three monkeys, five cats, an eagle, a crow, and a falcon; and all these, except the horses, walk about the house, which every now and then resounds with their unarbitrated quarrels, as if they were the masters of it. . . .
[P.S.] I find that my enumeration of the animals in this Circean Palace was defective . . . . I have just met on the grand staircase five peacocks, two guinea hens, and an Egyptian crane. I wonder who all these animals were before they were changed into these shapes.

Yr Atgyfodiad

2005-08-26T12:16:00.000+01:00

Ma'r Efengyl yn blaguro, bois. Lot o stwff ~~disturbing~~ doniol draw 'na 'fyd, megis y dyfyniad isod o'r erthygl "Maer Tref Llanelli'n penderfynu ail enwi'r dre'n SHITCLOUD". Diolch, diolch Iesu...

Daeth gwrthwynebiad y datblygiadau i'r golwg yn dilyn datganiad yn y wasg gan y Cyngor fod Llanelli'n "...edrych yn bert...". Mewn ymateb cyflum, ond ffiaidd, aeth trigolion yr ardal (sy'n gwybod nad yw Llanelli'n bert) ati i ffurfio'r grwp pwysedd "Turks Keepin' Llanelli Like It Is" - sydd wedi dechrau taflu eu slops ar y stryd mewn protest. "Dyma'r unig ffordd y medrwn gadw Llanelli fel y mae...i bobl Llanelli" dywedodd llefarydd ar ran y grwp.

Oherwydd anghysondeb i nodau ac amcanion y grwp pwysedd newydd, ni wyr Cyngor Sir Gar pwy na beth i alw'n bert neu'n salw bellach, gydag un cynghorydd o'r cabinet yn honni bod Meryl Gravell yn "...sexy biatch". Ie, Meryl o'dd honno

Dogfenni

2005-08-25T11:32:00.000+01:00

Sori am y prinder postau diweddar - wy 'di bod yn brysur gyda gwaith (am unwaith) wrth i ni nesau at ddiwedd y gyfres o ffilmiau bach ry'n ni'n datblygu. Byddai'n llwytho lluniau o'r camera yn y fan, ond am y tro dyma grybwyll dwy ddogfen anhygoel i mi weld yn ddiweddar. Y cyntaf yw Stuff the World, dderbyniodd adolygiad ffafriol heddiannol yn y Times. Dyma'r blyrb blyrbiais ar maes-e gynne...

rhaglen ddifyr a teg dros ben am taxidermists sy'n ceisio am wobrau ym Mhencampwriaeth y Byd yn Springfield, Illinois. Mae'n anodd dros ben i mi ddeall meddylfryd sy'n mynnu lladd anifail er mwyn "ei gadw'n fyw am byth" ond roedd hi'n braf gweld cyflwyniad gwrthrychol o'r unigolion sy'n gwneud, a'u rhesymau dros ddechrau. Roedd ambell i bortread - megis y ferch 9 oed yn saethu a 'mountio' ei charw cyntaf - yn anodd i wylio, ond cyd-bwyswyd hynny â troedigaeth rhyfeddol y cyn-Bencampwr Byd, Matthias, ar ôl lladd pysgodyn yn ddamweiniol:

“I am looking at this fish, and he is looking at me and demanding pity. ‘What did I did to you? Let me live.’”

Pan nad o'n i'n rhyfeddu'n gegrwth, ro'n i'n chwerthin hyd dagrau - os oes ail-ddarllediad, gwyliwch da chi!

Yr ail yw Wisconsin Death Trip, sef cofnod o hanes brawychus ardal fechan o Wisconsin, Black River Falls, wrth i nifer o drigolion y dref ymddatod yn llwyr.

Mae hon yn ffilm sy'n llawn delweddau hyfryd i'w gwylio (camp o ystyried mae ffilm o'r gyfres deledu 'Arena' oedd hi) ac yn adrodd hanesion swreal sy'n anhygoel oherwydd eu bod yn wir... Neu o leia, maent wedi eu casglu o bapur newydd yr adeg. Ffaith sydd wrth wraidd (yn rhywle) felly, ond o gyfuno safbwynt Seisnig-Brotestanaidd y newyddiadurwr âg ail-greu artistig y cyfarwyddwr presenol, mae'n rhaid derbyn nad darlun cyfan o'r gwir sydd yma. Er hyny, mae'n ddarlun gwerth ei wylio, sy'n codi llawer o gwestiynnua am y gymuned hanesyddol dan sylw, cymuned bresennol Black River Falls, achosion gwallgofrwydd a gofynion 'dogfen' fel cyflwyniad o ffaith. Ma 'na adroddiad da iawn ar wefan IMDb.

Dyma ni te...

2005-08-16T10:45:00.000+01:00

Lluniau MiriMadog. Cerwch draw at Photobucket, enw: byw, cyfrinair: byw, wedyn cliciwch ar yr albym 'MiriMadog 05'. Gwd.

MiriMadog 05

2005-08-15T13:47:00.000+01:00

Ddim cweit mor spontaneous a blwyddyn diwetha, a tipyn mwy meddw - felly penwythnos eitha rhyfedd ar y cyfan. 'Nath hi biso glaw yr holl ffordd lan, cyn disgleirio haul unwaith i ni gyrraedd Port. Ges i wîn coch a wedyn vodka - sy' byth yn syniad call, ac o achos hynny llai'm cofio fawr o ddim ar ôl Ashokan. Roedd Radio Luxembourg yn wych - wy'n cofio hynny. Ond dyna ni rili... ma 'na luniau ar y ffordd (o Zabrinski a Topper - sai'n cofio gweld Zabrinski na Topper - a close-ups o Alun Tan Lan a Meilyr RL - sy'n meddwl bo fi 'di siarad â nhw yn fy meddwdod, aaghchurgh...) Ta beth, ddewn nhw yn y fan - detox am y tro.