Sufjan Stevens

Dyma fi'n codi'n gynnar bore ma i ddrybowndio'n ffordd draw at y depot post i nôl y parsel sy 'di bod yno'n aros amdanai ers Dydd Llun. Parsel yn cynnwys albym diweddara Sufjan Stevens, 'Illinoise', oedd hi, ac o beth wy 'di clywed, mae'n dda iawn iawn iawn iawn iawn. Mae teitlau'r caneuon gallgof-o-or-esbonadwy, megis "A Short Reprise for Mary Todd, who Went Insane, but for Very Good reasons" yn ddigon difyr, ond ar ben hynny mae'r melodiau egniol a breuddwydiol, llawn harmoniau, wir yn codi calon (a roedd hi'n hen bryd i rhywun ail-greu hook 'Close to Me' The Cure gyda offerynau chwyth...)

CD braf a chyffrous dros ben. Ond i wneud pethau'n fwy cyffrous, 'nes i ddarllen bore 'ma fod 'Illinoise' wedi cael ei ohirio ddoe oherwydd problem gyda clawr gwreiddiol yr albym, sy'n cynnwys llun Superman yn hedfan uwchben Al Capone. Dyma darn gorau'r stori:

On the plus side, if you were able to order Illinois early, you've now got a nifty collectors' item in your hands.

Ho ho ho. Dyddiau braf.